Songtexte Ds Läbe tuet weh - Tinu Heiniger

My Père, dä het mir ufe Ranze gä
My Brüetsch, dä isch no hüt bir Mère der Märliprinz
Won i bi cho, da han i gmeint, jetz heissi's "lue mau dä
Dä isch doch am Tüüfu abem Chare gheit, hesch nid ou ds Gfüehl
Däm Bueb, däm spinnt's?"

U i hätt doch so gärn e Supervatter gha
E Supermuetter, eini wo nume für mi hätt gläbt
Ha gmeint, die ang're syge nume da, für mi gärn z ha!
D' Mère het ke Zyt gha, u der Père, dä han i nume denn gspürt
Wenn er mir eini het kläbt!

Ds Läbe tuet weh!
Gäg ds Wehtue ha mi gwehrt!
Ha gmerkt, ha gseh
Dass grad das Wehtue eim ou lehrt!

U du, my Suhn, los zue!
Mou, chumm, los jetz!
Wehr di für ds Läbe, aber wehr di nid dergäge
We's ou di verletzt!

Mit vierezwänzgi han i gmeint, für mi gäb's nume die!
"Die Frou, ke ang'ri" han i gseit "u süsch lan i mi um!"
Si het scho eine gha, isch blibe, i bi gäng no hie
Ha glitte - jahrelang! I bi haut denn no schampar jung gsy
Schampar dumm!

U i ha afa singe, bi uf d' Strass, ha proteschtiert
Gäg au di Gängschter i däm Staat, für ds Proletariat
Für d' Büetzer ha mi gwehrt, ha gspilt, ha demonschtriert
's het kene glost - Freiheit heisst hie für die: Bahamas
Chare, Chole, Fernsehapparat!

Ds Läbe tuet weh!
Gäg ds Wehtue ha mi gwehrt!
Ha gmerkt, ha gseh
Dass grad das Wehtue eim ou lehrt!

U du, my Suhn, los zue!
Mou chumm, los jetz!
Wehr di für ds Läbe, aber wehr di nid dergäge
We's ou di verletzt!

U du, my Sohn, bisch föifi, scho fasch sächsi gsy
Wo mir my Frou, dyni Muetter hei verla
Nei, gäu, dä Tag vergässe mir drü nie
's git haut i jedem Läbe Zyte, wo me mues la ga
Wo me mues ga!

Was meinsch, mir au hie, won is däwä wichtig nä
Mir Minderwärtler, Jammertantene, vou Säubschtmitleid
Wenn ändlech fö mir afa läbe, läbe so wie dä
Wo wie ne Chrieger läbt, wo weiss, dass' Schmärze brucht
Dass' ohni gar nid geit!

Ds Läbe tuet weh!
Gäg ds Wehtue ha mi gwehrt!
Ha gmerkt, ha gseh
Dass grad das Wehtue eim du lehrt!

U du, my Suhn, los zue!
Mou, chumm, los jetz!
Wehr di für ds Läbe, aber wehr di nid dergäge
Wüll's ou di verletzt!