Songtexte Im Abeferchehr - Tinu Heiniger

Zersch dänk i, ou verreckt
Wie das nach WG schmöckt
Wüll zersch chunnt dis Gras
När du über d'Strass

Chli z'grossi Hose
Chli New York lose
Chli offeni Schue
Chli bedient u chli zue

Chli d'Chappe über d'Ohre
U zfride, wie ne Moore
Mit em Ofe ir Hand
Dür ds Heimatland

Chli gross u chli Hans
U chli Moos ume Schwanz
Chli röhrende Hirsch
Landjäger uf Pirsch

Chli wädle wie ne Hund
Chli verletzt u chli wund
U de glich no chli Bueb
Usem Stall, usem Trueb

Mit de Girls ischs e Fruscht
U im Sack isch e Pfuscht
Chli Jammer u Lappe
Dert unger der Chappe

Ume Egge, vo schräg
Ufzmau der Kolleg
Chli Musig, chli Star
Chli viel Fett i de Haar

No chli schmoll, no chli doof
Scho chli Ma, no chli Goof
Chli nes Tüechli ufem Chopf
Chli nes Gagi im Topf

Chli umesta warte
Chli Ching no im Garte
U töif i de Chnöi
Aber furt vo dehei

No chli gäub uf der Zunge
U Stoub uf der Lunge
Chli Belag u de Zäng
U schmöckt e chli sträng

U ds Läbe isch hert
Wüll ds Konto isch gsperrt
Chli Schulde, chli Buur
Chli ne Mulde uf Tour

Chli ne Gruebe uf Reis
Chli nes Bubi im Scheiss
Chli ne Bire, chli weich
U alls chli ne Seich

U jetz stöh sie dert z'zwöit
So breit, wie's grad geit
Dernäbe u quer
Im Abeferchehr

Luege huere verwäge
U si huere dergäge
Hei schwär eine druff
U de glych chli nes Puff

U nes Gnusch mit de Gfüehl
So chli zwüsche de Stüehl
I däm Dampf i däm Schweiss
So chli näbe de Gleis

Hei Jungs! Schnäu es game
Gäge ds Alter! Gäg ds Heim
Du dert, mach di zwäg
Leg dis Oferohr wäg

U du, lueg chli zue
Bing zersch diner Schue
Weli Bäll isch mer glych
Gäge mi machsch de Stich

Nid ei Punkt, nid ei Satz
Di blasi vom Platz
Di wüschi vom Tisch
Dass d vergissisch, wär d'bisch

U jetz schlampisch, muesch hei
U dert schlampisch alei
U bisch hässig, kaput
U machsch d'Musig när z'lut

U machsch d'Türe nid zue
U fingsch d'Mueter e Chue
Dini Loge isch d'Höll
U ne Notschlafstell

U der Gstank penetrant
Mit de Schwarze ar Wand
Mit em Ofe ir Hand
Dür ds Ghettoland