荷里活

喂喂荷里活有间大酒店
有三个肥婆呀学踢波 学踢波
你又踢 佢又踢 卒之就踢咗落河

啊 你想执番个波 我帮你执个波吖
我标落去水双手揽住个波
Fing上去水面等佢捉住个波
佢个心想话接住点知佢差错脚落河
我忙救距命惊距又扎死我
揾多两个肥婆合力去拖
好彩又救醒咗 你地玩波 玩波
应该要小心播

喂 肥婆霞你冇野吖嘛？
冇野 哎也个衰佬真系撞鬼呀 系度搏懵呀！
哎也 点解咁架？
哎也 咁抵死呀？
系啦 摸手摸脚呀个衰佬呀！
离晒大谱呀！
即系佢乘机揩油！
系喇系喇！
我就话佢想非礼你就真呀！
系呀系呀 咁既人都有既 真系吖！

唉 你咪救人啦 我都知道就唔救佢架勒
所以我地广东人既俗语讲得好呀 好心著雷劈
一啲都冇错架 呢 就系好似果个肥婆咁 踢波
系河边踢 跌咗落河 系我救佢上黎姐 都唔在话勒
救人一命呀胜过七级浮屠 救佢上黎重话我非礼佢
你知啦 游水救人 抆下撞下梗系有架啦嘛

佢支支呀佐 佢真囉呀梳
居然窒阿哥 都只为执个波
好彩我读过诗书不易发火
否则我又再兜脚踢佢落河（hey）

荷里活呢间大酒店
有个肥婆为咗学踢波
争啲命冇咗 你地玩波 玩波
应该要小心播