Lyrics Mo'akhera - Ahmed Mekky

لو عايز تعرف طبيعة العلاقة بين الشعوب العربية اليومين دول
الي هما المفروض وطن واحد يعني
سهلة
جرب حط اي فيديو عاليوتيوب
اي فيديو
حط اي حاجة تافهة
يعني مثلاً سلحافة تأكل خس
هتلاقي بعد شوية اول كومنت
سبحان الله سلحفاة تأكل خس
بعد شوية حد هيرد عليه
يقوله لا يا خي هذا ليس خس هذا كرات
فا هيرد عليه واحد بعد شوية يقوله لالالا
ده جرجير و الموضوع فجأة يتطور
و يبدأو يسبو و يشتمو في بعض ... بالبلدان
يلا يا كذا يا بلدك كذا يا بتاع كذا
(صوت في سكوت الليل ... بيناديني)
حاجة توجع القلب يعني و تحزن
(خلي دموعي تفر ... من عيني)
و شوية يبدأو شتيمة في الاديان
مسيحي و مسلم
كلو يشتم في بعضه
فجأة تحس ان استحالة الناس دي تتحد في يوم من الايام
طول ما احنا بنكره بعض و بنتكبر علي بعض
استحالة نبقي رقم واحد
ربنا يهدينا
و ان شاء الله خير