Lyrics O Euchari - Azam Ali

O euchari, in leta via ambulasti ubi cum filio del mansisti
Illum tangendo et miracula eius que fecit videndo

Tu eum perfecte amasti cum sodales tui exterriti erant
Pro eo quod homines erant
Nec possibilitatem habebant bona perfecte intueri

Tu autem in ardenti amore plene caritatis illum amplexus es
Cum manipulos preceptorum eius ad te collegisti

O euchari, valde beatus fuisti cum verbum dei te in igne columbe imbuit
Ubi tu quasi aurora illuminatus es
Et sic fundamentum ecclesie edificasti

Per os tuum ecclesia ruminat vetus et novum vinum
Videlicet poculum sanctitatis

Nunc in tua clara voce filium dei ora pro hac turba
Ne in cerimoniis del deficiat
Sed ut vivens holocaustum ante altare dei fiat