Lyrics Eddie's Radio-Show - BAP

Et woor en stinknormale Naach, noch woor nix jrooß passiert. Er hatt et Radio ahnjemaht un dann nit hinjehührt: "En dämm Dinge läuf dä janze Daach däselve Müll. Su joot wie nie kütt ir'ndjet wat mer wirklich hühre will!" Op eimohl daach'e: "Wat ess dat, dä kenn ich doch woher!?" Ne Spot für'n Marjerien, et Konzentriere feel ihm schwer. Eins woor secher: Die Stemm woor positiv besetz. Op eimohl hatte't: Da's dä D.
J., der'e johrelang vermess hätt: "Radio Show, here is Eddie's Radio-Show" Wie lang ess dat her un vüür allem wieso? En singem Kopp leefe zehnmillione Minifilme aff. Dank dämm Eddie hatte't domols durch su manche Naach jeschaff, hatt sich selvs durch ihn kapiert, dä wohr dat Schlösselloch zur Welt, hatt ihm immer zojehührt, bess datte ir'ndwann saare däät: "Radio Show, this was Eddies Radio-Show" Wie lang ess dat her un vüür allem wieso? Er sooß do, wie en Trance, et Radio hatte ussjedrieht un sing Jedanke noh dä janze Bands un Sänger durchsieb, die'e zum eezte Mohl beim Eddie bemerk. Dä Klos em Hals, dä jing nit weg, dä hätt sich eher noch verstärk. Wieso löhß du dir dat jefalle, wieso mähßte sujet met, all dä Schrott, dä sich Format nennt, wieso wehrste dich bloß nit jäje Umweltsünde, die jetarnt sinn als Musik, Seife-Oper-Fuzzies un Container-Freaks?