Lyrics Minigrip - Baze

Si lö no d korke la knaue bis zum abwinke
Dr morge la warte wi zitterndi ching imne wartezimmer
Nüt nüt währt für ewig, s chöme angeri zite
I dr ferni stige flamme i himmu
U teu zie dür d gasse u singe
Ihri liedr bisi mitr masse i de stadie verschwinde
Was ne nid passt, ds tramplesi nider
Was dr vor nacht blibt si di platzde lippe
Aber jedä macht witer bis zum abwinke
Kippe bis zum abwinke, gli mau e aukliche
Schlitzesech i arm ine, wei sech bewise
Dass si no existiere, lande gli mau ufdr couch bimne
Arzt wone medis verschribt
Missionare chlopfe a tür mit dr heilige schrift
Du i boxershorts, riise smile ufem gsicht
Sorry boys ke inträssä zur zit

Wott übertriebe bis zum abwinke, fiire tief i dnacht ine
Über di charre stige, klirrendi glaschibe!!!
Wach blibe inmitte vo däm wahnsinn da
Wo tröim i minigrips u chlyne briefe verpackt si
Ja i wott liebe bis zum abwinke
Wiegenis i schlaf ine, strite us wider grad biege
De bringi i o dr ghüder use sitze bim pisse ab
U vrfiggtnomau, hüete mi zflueche
U s geiht bärg ab, bärg ab, bärg ab, bärg ab, bärg ab...

U s geiht bärg ab, bärg ab, bärg ab, bärg ab, bärg ab...
När geihts bärg uf bärg

Si träffesech im tearoom zu gebäck tränkes im likör
Wone d frässä verchläbt, bi si fädä ziet dört!
Spile si charte mit zittrige händ
Knirsche mit de dritte - wöu voruus isch nüm iri wäut
Ziehsisech zrügg uf vergammleti sitzgruppe
Warte ds chinder mau a wiehnachte verbiluege
U plötzlech si da loderndi flamme
Iz aber hurti hurti furt hie, dr stock usem arsch nä
U si tanze ums füür wi bsoffni indianer
Schreie di nacht ghört üs los figgetnech aui
Doch aus haub so wiud, lug di beruigesech wider
Faus nid, gitts haut ä rundi beruigigs mittu, guet nacht
Item gruppe vo teenies bevöukere d stadt
Nachdäm clübs hei gschlosse gitts no döner mit scharf
Triffsch uf tussies punks, dealer wi junkies
Stossisch uf z läbä a so schlimm isches gar nid

Wott übertriebe bis zum abwinke, fiire tief i dnacht ine
Über di charre stige, klirrendi glaschibe!!!
Wach blibe inmitte vo däm wahnsinn da
Wo tröim i minigrips u chlyne briefe verpackt si
Ja i wott liebe bis zum abwinke
Wiegenis i schlaf ine, strite us wider grad biege
De bringi i o dr ghüder use sitze bim pisse ab
U vrfiggtnomau, hüete mi zflueche

Lug ire wuche flüge widr fläschä
Chunnt d liebi vom läbä oder verlürsch di job
Mir nämä unergründlechi wägä
Villech dr fautsch ja de phüetis gott