Lyrics Exklusiv Introview - Bligg , Samurai

Hallo Bligg schön dass der Ziit nimmsch für das Interviewmeeting.
Ready?
Ready.
Mer nehmeds mit Ton uf.
Okei.
Di ganz Schwiiz isch gspannt wiene Vorhut.
Ersti Froog warum Bart aber Herzlich?
So bin ich. Punkt aus Fertig.
Okei, Was erwartet eus uf dem Album.
Loses bis zum End und du ghörsch was dra chunnt.
Mhmm. Dis letste isch vierfach Platin bi somene Erfolg isch de Druck doch Wahnsinn.
Gröber ich bin dur d Höll und wieder zrugg und han alles wasi han inegeh i jedes Stuck.
Seg wie isch das schribsch dini Text all selber?
Nai ich han en Schwarzarbeiter i mim Cheller.
Aso guet, Spass bei Seite ja natürlich.
Dich kennt jedi sau. Wie isch das für dich?
Ganz ehrlich, mir isch das nöd so wohl denn ich chumm mer amigs vor wienes Tier im Zoo.
Aber jetzt kokkettiersch heschs jo welle e so oder?
Welle scho aber nie so gross.

Er schriibt die Ziile mit sim Bluet.
Nimm ruhig Platz und luegem zue.
Gseh die Welt dur sini Auge.
Chumm und lauf i sine Schueh.

Isch das no Rap wo du machsch oder fahrsch jetz X-spurig?
Nenneds wieners wend, ich nenns Bliggmusig.
Für die wibliche Fans wie erobred sie dich?
Ha, überhaupt nöd ich erobere sii.
Hesch scho mol öppis bereut wenn ja was isch das?
Ich han kei Schiss z'bereue, Bereu Schiss z'ha.
Dini Beste Fründe?
Das isch privat.
Dini gröste Feinde?
Ouu nöggsti Frag.
Und vor was hesch Angst?
Z'Verlüre wani han. Angst dass ich irgendwenn mol unheilbar erchrank.
Welli Comic Figur represäntiert dis lebe?
Hm. Spider Man, Peter Parker würi sege.
Chum verrot üs es gheimnis was vo dir?
Sie hend mer afang vo dem Johr Stimmbänder operiert und ich han ehrlichgsait nöd gwüsst öb mit dem Album öppis wird, oder ob am Bligg sini Karriere sogar stirbt.

Er schriibt die Ziile mit sim Bluet.
Nimm ruhig Platz und luegem zue.
Gseh die Welt dur sini Auge.
Chumm und lauf i sine Schueh.

Bart aber Herzlich willkomme zu minere neue Show sehr geehrti Dame und Herre.
Nehmed Platz.
Ich wird oft agsproche in letster Ziit uf min Erfolg.
Bligg din Erfolg da din Erfolg det.
Ha
Es schint als hetted sie vergesse um wases würkli goht
MUSIG

Er schriebt die Ziile mit sim Bluet.
Schrib die Ziile us Gold.
Nimm ruhig Platz und luegem zue.
Lueged!
Gseh die Welt dur sini Auge.
Chumm mit mir.
Chumm und lauf i sine Schueh.
Lauf mit mir.