Lyrics Noaata Beida 2 - Cairokee

في صوت جوايا بيناديني من بعيد
سامعه وعارفه كويس بس أنا عامل عبيط
نقطة بيضا في وسط سواد
إنسان بينادي جماد
هو البراءة والسذاجة وأنا الدنيا الكدابة
عايش معاه في سجن وأنا السجان
معايا مفاتيح كل البيبان لكن جبان
أنا الجاني والمجني عليه
أنا كل الأسباب ولسه بسأل ليه

هو أنا وأنا هو، هو حرب دايرة جوة
جوة مني وبتقتلني طول الوقت
هو ضميري بيأنبني في كل مكان بيطاردني
مهما جريت أو هربت
هو أنا وأنا هو، هو حرب دايرة جوة
جوة مني وبتقتلني طول الوقت
هو ضميري بيأنبني في كل مكان بيطاردني
مهما جريت أو هربت

جوايا إتنين وأنا التالت والتالت دايمًا ساكت
سلم بطل يتكلم ولا بيحس ولا بيتألم
جوايا عقل وقلب دايمًا عايشين في حرب
قلبي حاسس بالذنب وعقلي واخد جنب
والدنيا ماشية عكسي لفيت ومشيت معاها
وبعت أنا نفسي، نفسي خليتني أنساها
لبست وشوش تانيين نسيت في الأصل أنا مين
فقلت أرجع من تاني للنفس اللي بتعاني

هو أنا وأنا هو، هو حرب دايرة جوة
جوة مني وبتقتلني طول الوقت
هو ضميري بيأنبني في كل مكان بيطاردني
مهما جريت أو هربت
هو أنا وأنا هو، هو حرب دايرة جوة
جوة مني وبتقتلني طول الوقت
هو ضميري بيأنبني في كل مكان بيطاردني
مهما جريت أو هربت

عجبي عليك يا زمن فينا مش سائل
وأنا اللي استاهل إني صدقتك
ومشيت وراك لحد ما سبقتك
بصيت ورايا لقيتني وحيد
الدنيا بحر غدار فيه أنا عايم (في صوت جوايا بيناديني من بعيد)
ما فيها شئ فاضل ولا دايم (سامعه وعارفه كويس بس عامل عبيط)
كالعادة العبد بيتمادى (نقطة بيضا في وسط سواد)
كالعادة العبد بيتمادى (إنسان بينادي جماد)