Lyrics Sie So - Collie Herb

Sie so
Dini Bars si scho deep
Doch sie brucht e Bass und e Beat
Denn
Wie wot si tanze zu de Parts woni schrib
Sie brucht e Riddim wo si fiirt
Mach e mou, mach e mou, mach e mou, mach mou
Denne losi di au
Denne losi di Sound

Sie so sorry, bisch du nid dr Collie?
I sig doch uf dr Bühni xi grad vori?
Äb mer es Pic mache chöi für ihre Story
Es heisst "Collie" aber klar, wieso nid?
Se heig mi uscheckt uf Insta und Youtube
Normalerwys fiirt si Dancehall new tunes
Whinet ire Body
Zu dene neuschte Kartels und em Poppy
Se heig mini Show xeh gieng no easy ab für d'Schwyz
Aber irgendwas fäut se wüssi nid a was es ligt
I sett eifach mou was mache uf Patwa
So wie dr anger, dr Typ do, dr Rasta
Eyy
Und si textet mi zue
Mit soviu Knowledge schribsch du besser es Buech
Jetzt isch guet
I ha gnue

Sie so
Dini Bars si scho deep
Doch sie brucht e Bass und e Beat
Denn
Wie wot si tanze zu de Parts woni schrib
Sie brucht e Riddim wo si fiirt
Mach e mou, mach e mou, mach e mou, mach mou
Denne losi di au
Denne losi di Sound

Und de chunnt eine meint i bruche eifach e Manager
Wiu das ellei kenne schafft, är kenni das
Verzwiifle müessi nid
Är dänki do a sech, xechi was i mir

A propos
Dä mit de Dreads sigi schad
Äb me do nid no was mache cha?
Und au musikalisch
Gäbs no einiges z'hole bim Collie
Mundart Reggae mit Mitsingpotenziau
Das wär geniau
Eso chli öppis wo für aui passt
Im Radio und ufem Pauseplatz
I säg
I sigi offe für Feedback
Doch i Gedanke bini wyt wäg
Dänk
Oh my goodness
Es git nix Gutes ausser man tut es

Und är textet mi zue
Mit soviu Knowledge schribsch du besser es Buech
Jetzt isch guet
I ha gnue
Und si texte mi zue
Mit soviu Knowledge schribsch du besser es Buech
Jetzt isch guet
I ha gnue

Sie so
Dini Bars si scho deep
Doch sie brucht e Bass und e Beat
Denn
Wie wot si tanze zu de Parts woni schrib
Sie brucht e Riddim wo si fiirt
Mach e mou, mach e mou, mach e mou, mach mou
Denne losi di au
Denne losi di Sound