Lyrics Credo III - Dan Gibson

Credó in únum Déum,
Pátrem omnipoténtem,
Factórem cæli et térræ,
Visibílium ómnium,
Et invisibílium.
Et in únum Dóminum
Jésum Chrístum,
Fílium Déi unigénitum.
Et ex Pátre nátum ante
ómnia sæcula.
Déum de Déo,
Lúmen de lúmine,
Déum vérum de Déo véro.
Génitum, non fáctum,
Consubstantiálem Pátri:
Per quem ómnia fácta sunt.
Qui propter nos hómines,
Et propter nóstram salútem
Descéndit de cælis.

Et incarnátus est
De Spíritu Sáncto
Ex María Vígine:
Et hómo fáctus est.
Crucifíxus étiam
Pro nóbis:
Sub Póntio Piláto
Pássus, et sepúltus est.
Et resurréxit tértia díe
Secúndum scriptúras.
Et ascéndit in cælum;
Sédet ad déxteram Pátris.
Et íterum ventúrus est
Cum glória,
Judicáre vívos et mórtuos:
Cújus régni non érit fínis.
Et in Spíritum Sánctum,
Dóminum, et vivificántem:
Qui ex Pátre Filióque procédit.
Qui cum Pátre et Fílio
Simul adorátur,
Et conglorificátur:
Qui locútus est
Per Prophétas.
Et únam sánctam cathólicam
Et apostólicam Ecclésiam.
Confíteor únum baptísma
In remissiónem peccatórum.
Et exspécto
Resurrectiónem mortuórum.
Et vitam ventúri sæculi.
Amen.