Lyrics Miranda Holdersma - Daniël Lohues

'k Zag heur in de supermarkt
Naost daor waor mien neef hef wärkt
Ze stun daor veur de veurgewassen slaot
Meestal loop ik daor veurbij
Mar opiens vreug zij daor mij
Of ik wus hoe lang rucola kan liggen
Stel joe eerst 's netjes veur, zee ik
Uut onhandigheid 'n grap
mar ze lachte en ze gaf mij direkt 'n hand
'Miranda Holdersma'

Buuten bij de karregies
Stun ik te knooien met mien fietse
Kreeg de puute mar niet best
Onder de snelbinders
Der kwam 'n Mini naost mij staon
Die glum al was 't volle maon
De wagen deu 't veurste raampie lös
En daor zat ze achter 't stuur
Of ik 'n lift wol deur de regen
Mar ik sleug af, ik zee 'jao jao, nee dankewel,
Miranda Holdersma'

Ik ben precies 'n weeke later
Daor weer hen gaon, zölde tied
Ik denk misschien is zij daor ok wel weer
Mar, mar ze was der niet
En nog 'n weeke later
Toen stun ik der weer
Nog veul vaker ben ik hen west
Mar ik zag heur nooit meer
Miranda Holdersma

Googeln had ik direkt al daon
Mar ik zag heur närgens staon
Wie is toch in Godsnaam
Miranda Holdersma?
Miranda Holdersma