Lyrics Ikasi dugu - Egurra Ta Kitto

Urrutiko begiradetan
Daude mapa hautsiak,
Idatzi gabeko hautuak,
Egutegi hilak,
Elkarri noizbait eman ferekak
Euri lanbrotan urtu dira.
Gure sentimenduen kutxa beltza
Irakurtzen gabiltza.
Ez da izarren lerrotzea
Banatu gaituena,
Ez da eguraldi gizona
Hotz hau dakarrena.
Hesiak nonahi jaikitzen dira
Bete gabeko hutzen nasan
Historiaren sema-alabak gara
Herrimina sehaskan.
Ikasi dugu hari etenak botatzen
Distantziarekin denbora josten.
Joan ziren sentimenduen deserri egunak
Berriz elkarrekin gaude.
Aldatu da gauzen neurria
Urrun zena bertan da.
Ukigarri dira irriak
Gaur argi da gaua.
Orain ozenki entzuten dira
Gordean egondako grina.
Gure esku dugu itxaropena
Bukatu dira ezinak.
Ikasi dugu hari etenak osatzen
Distantziarekin denbora josten
Joan ziren sentimenduen deserri egunak,
Berriz elkarrekin gaude!
Ikasi dugu hari etenak osatzen
Distantziarekin denbora josten
Joan ziren sentimenduen deserri egunak,
Berriz elkarrekin gaude!
Ikasi dugu hari etenak osatzen
Distantziarekin denbora josten
Joan ziren sentimenduen deserri egunak,
Berriz elkarrekin gaude!
(Joan ziren sentimenduan deserri egunak
Urrun zena bertan da
Berriz elkarrekin gaude!)