Lyrics Aya - El Joker

كالعادة من الفجرية جريت آية على شغلها
تبيع كام عقد فل وورد يجيبوا تمن أكلها
هي عارفة إن الساعادي الناس بتبقى مستعجلة
ياما قضت في الإشارات ساعات عـ الفاضي في الوقت ده
فا خدت بعضها وقعدت على باب جامعة من اللي
هي
ساعة ولقت بياعين بيجروا شكلها البلدية
لمت وردها وجريت دخلت شارع هادي شوية
لقت عربية جاية قالت رزقي أهو في رجليا
قالتله فل يا باشا بلدي وريحته تبسط
قالها تعالي علقيه وفتح الباب فركبت
حط إيده على شعرها سألها عن إسمها
قالت آية سأل عن سنها وقام لامس جسمها
جريت تعبت وقفت عند باب مدرسة عنيها
جت على أم بتودع بنتها ومش هاين عليها
تفلت إيدها من إيديها وتبعد عنها ولو ساعات
فا بصت للسما وسألتها أنا ليه غير البنات
أما القاهرة تنام والشارع يفضى آية تنام
كتر خير كباري بلدنا سقف للغلبان
آية بتنام بعين و عين وتصحى في عز نومها
كل ما تسمع صوت رجلين تدعي يارب استرها
أما القاهرة تنام والشارع يفضى آية تنام
كتر خير كباري بلدنا سقف للغلبان
آية بتنام بعين و عين وتصحى في عز نومها
كل ما تسمع صوت رجلين تدعي يارب استرها
مرت سنة وحالة آية هي هي الحالة
مقابل البقاء مش أكتر كل يوم شغالة
نص النهارده عدى عـ الكورنيش مجاش جنيه
شافت واحد وحبيبته وقفوا بعيد جريت عليه
قالتله ورد يا بيه خد ولو وردة اهديهالها
وفجأة جه في بالها هل في يوم هبقى أنا مكانها
فاقت على الله يسهلك كله صحيح يا شاطرة
كده معاها ألف الله يسهلك النهاردة
لفت كتير لحد ما القدر رزقها
ببنات على باب مطعم ادوها أكل إتبقى
وقالولها تعالي يا حلوة تتصوري معانا
شكرتهم جدا على إحساس إنها انسانة
وجت تعدي الشارع فاتحة العلبة تاكل منها
كانت عربية هتخبطها لولا واحد قام شاددها
وسألها إنتي كويسة وخوفه ده مخليها
مستغربة إزاي ده نفس الشخص اللي برجله مصحيها
أنا وانت فينا خير بس الحياة ساعات تلهينا
أو تظهر أسوأ ما فينا بس ده مش عذر لينا
كل طفل شوارع يستحق أكتر من نظرة حزينة
يستحق دعم بدافع واجب مش فضيلة
على ضفتنا أنا وانت الحرب حرب فلوس ودروع
عالضفة التانية آية وغيرها فـ حرب ضد الجوع
فالمرة الجاية لما تقابل آية في الإشارة
راعي إن العرق بنزين ومتبقاش شرارة
أما القاهرة تنام والشارع يفضى آية تنام
كتر خير كباري بلدنا سقف للغلبان
آية بتنام بعين و عين وتصحى في عز نومها
كل ما تسمع صوت رجلين تدعي يارب استرها
أما القاهرة تنام والشارع يفضى آية تنام
كتر خير كباري بلدنا سقف للغلبان
آية بنت اتناشر سنة بقالها خمسة منهم
هي كل طفل شوارع من اللي المجتمع خاذلهم
أما القاهرة تنام والشارع يفضى آية تنام
كتر خير كباري بلدنا سقف للغلبان
آية بتنام بعين و عين وتصحى في عز نومها
كل ما تسمع صوت رجلين تدعي يارب استرها
أما القاهرة تنام والشارع يفضى آية تنام
كتر خير كباري بلدنا سقف للغلبان
آية بنت اتناشر سنة بقالها خمسة منهم
هي كل طفل شوارع من اللي المجتمع خاذلهم