Lyrics Maria passa ppi na strata nova - Eleonora Bordonaro

Maria passa pi 'na strata nova
La porta d'un firràru aperta è
"O caru mastru, chi sta fannu a 'st'ura?"
"Fazzu 'na lancia e ttri puncenti chiova"

"O caru mastru, nun la fari a st'ura
Ca 'u stissu vi la pagu la mastrìa"
"O cara donna, nun lu pozzu fari:
Unni c'è Gesù cci mìntinu a mmia"

"O caru mastru, mi nni duni nova
Unn'è lu figghiu amatu di Maria?"
"O cara donna, lu vulìti asciàri?
Lu stessu sangu v'impara la via"

"O figghiu, di 'sta cruci scinni!, scinni!
Chi cc'è la to mammuzza e t'addifenni"
"O cara mamma, binidicìtimi e gghitivinni
Chi cc'è la santa cruci e m'addifenni"

"Purtatimi a Giuvanni ca lu vogghiu
Quantu mi duna un poco di cunsigghiu
Di niuru mi lu porta, lu cummoghiu
Ora cci crìu ca è mortu ma figghiu"

E l'acqua di lu mari si fici ògghiu
"Guardàtici lu vènniri a ma Figliu!"
E l'acqua di lu mari si fici ògghiu
"Guardàtici lu vènniri a ma Figliu!"

E ppi ddu voti cc'ha passatu chiddu Ddiu chi n'ha criatu
Ogni locu 'i l'ubbìa, scatta lu 'nfernu e triunfa Maria!
E ppi ddu voti ludatu sia, quannu passa Gesù, pensa a Maria!