Lyrics A Çimma - Fabrizio De André

Ti t'adesciâe 'nsce l'éndegu du matin
Ch'á luxe a l'à 'n pé 'n tèra e l'átrù i mà
Ti t'ammiâe a ou spégiu de 'n tianin
Ou çé ou s'amnià a ou spegiu dâ ruzà
Ti mettiâe ou brûggu réddenu'nte 'n cantùn
Che se d'â cappa a sgûggia 'n cuxin-a á stria
A xeûa de cuntà 'e págge che ghe sun
'A çimma a l'è za pinn-a a l'è za cûxia

Çé serén tèra scûa
Carne ténia nu fâte néigra
Nu turnâ dûa

Bell'oueggé strapunta de tûttu bun
Prima de battezálu 'ntou prebuggiun
Cun dui aguggiuîn dritu 'n púnta de pé
Da súrvia 'n zû fitu ti 'a punziggè
àia de lûn-a végia de ciaêu de négia
Ch'ou cégu ou pèrde 'a testa l'âse ou senté
Oudú de mà miscióu de pèrsa légia
Cos'âtru fâ cos'âtru dàghe a ou çé

Çé serén tèra scûa
Carne ténia nu fâte néigra
Nu turnâ dûa
E 'nt'ou núme de Maria
Tûtti diaì de sta pûgnatta
Anène via

Poi vegnan a pigiàtela i câmé
Te lascian tûttu ou fûmmu dou toêu mesté
Tucca a ou fantin à prima coutelà
Mangè mangè nu séi chi ve mangià

Çé serén tèra scûa
Carne ténia nu fâte néigra
Nu turnâ dûa
E 'nt'ou núme de Maria
Tûtti diaì de sta pûgnatta
Anène via