Lyrics Paniglgass'n Nr. 17 - Georg Danzer

I siech a urleiwande Oide,
Wia i über d'Strassn geh
I denk ma nix wia hinten nach
Die übernimm i mit'n Schmäh
Sie draht si um, sie hat
A G'sicht wia a Madonna und a Brust
Dass mir des Herz zum Klopfen anfangt
Glei vor lauter Liebeslust
Auf amoi biagt sie um a Eck'n
Und verschwindt in an Haus
Paniglgass'n Nr.17
Diese Chance lass i ned aus
I steh im Hausflur und hörs stöck'ln
Wia sie über d'Stiagn geht
Wann de wo aufsperrt und dann weg is
Na des warat wirklich bled
I schleich ihr nach auf leisen Sohlen
Heasd, de wohnt im 4. Stock
Beim allerletzten Treppenabsatz
Siech i ihr scho unter'n Rock
Sie sucht in Schlissl, i hörs schewern
In ihrn Handtaschl drin
Ich trete vor und sag
Dass i der beste Schlisslsuacher bin
Sie schaut mi an und mant
Aha, na ja dann suachns bitte sehr
Da hams es Taschl, i vertrau ihna
Se san a feiner Herr
I find den Schlissl und i sag
Halli hallo, da is er eh
Sie fragt mi: Woins ned einekumma
Auf an Tee oder Kaffee
I glaub i bin im 7. Himmel
Und sag: Ja, bitte gern
So wia ma si des halt erwartet
Von an so an feinen Herrn
Mir sitz'n auf'n Kanapee
Ihr Rock is wirklich ziemlich kurz
Man kommt sich näher, i bin sicher
Diese Burg steht vor dem Sturz
I stöh des Häferl auf die Seiten
Und gib ihr an Zungenkuss
Und greif' ihr auf ihr'n Superbusen
Hart als wia a Kokosnuss
Auf amoi sagt sie: Ned so hastig,
Weu da war no was zum klär'n
I nimm normalerweis a Fleckerl
Grad bei so an feinen Herrn
I sag: Daran soll es nicht scheitern,
I hab immer ans dabei
Sie sagt: Dann san ma si ja einig
Und sie macht sich unten frei
Doch plötzlich stutze ich und denk ma
Derf des sein, oh Schreck und Graus
Soweit ich mich erinnern kau
Schaut eine Frau dort anders aus
Sie sagt mit ana Männerstimm
Geh Buaschi sei ned so verwirrt
Ma soll im Leben nix verurteiln
Hat ma's no ned ausprobiert
Was weiter war, gestattet mir
Dass ich mich da in Schweigen hüll
I wü nur ans verraten
Irgendwia hab i a bledes G'füh
Mei Frau behauptet i bin komisch
Und schau aus wia am Grab
Und fragt mi dauernd
Ob i irgendwelche Sonderwünsche hab
Jetzt sad's doch ehrlich
Wia soll i ihr je die ganze Wahrheit sagn
Paniglgassen Nr. 17
Diese G'schicht liegt ma im Mag'n