Lyrics Stau auf der Tangenten - Georg Danzer

Manchmal denkt
Er no an sie
Es muass jetzt
Fünf Jahr her sei
Woa a hassa
Sommertag
Der Himmel war ganz
Blass vor lauter Hitz
Es war oben
Auf'n Laaerberg
Beim Kreisverkehr
Wos geht auf
Die Tangenten
Und es war wie
Üblich a Stau
Sei Fenster war
Weit offen
Und auf amoi
Steht sie da
Mit an Schüd
Am Rucksack
D'rauf is g'standen: Linz
Und er hat si denkt
Nimmst'as a Stückl mit
Weu er hat miassn
Nach St. Pölten
Sie is eig'stiegn
Sie war jung
Es war'n
Semesterferien
Hat dazöhd
Dass da studiert
Ihre Achselhöhlen
War'n ned ausrasiert
Um die 19 hat
Er g'schätzt
So ungefähr
Im söbn Alter
Wie sei Tochter
Und auf amoi hat er
So a Sehnsucht kriagt
Und die Sehnsucht hat si
G'färbt mit Traurigkeit
Über all die Jahre
Der verlor'nen Zeit
Wiara z'ruckg'fahrn
Is nach Wien
Im Auto no
Ihr G'ruch
Is eam eing'falln
Dass ihr Jean
Übern linken Knia an
Klanan Riss g'habt hat
Und daham sei Frau
Hat g'fragt wos war
Und er hat g'sagt
A Stau auf
Der Tangenten
Und auf amoi hat er
So a Sehnsucht kriagt
Und die Sehnsucht hat si
G'färbt mit Traurigkeit
Über all die Jahre
Der verlor'nen Zeit
Manchmal denkt
Er no an sie
Es muass jetzt
Fünf Jahr her sei