Lyrics Deus ti salvet Maria - Gianni Maroccolo

Deus ti salvet, Maria
Chi ses de gratias piena
De gratias ses sa vena
E sa currente.

Su Deus Onnipotente
Cun tegus est istadu
Pro chi t'hat preservadu
Immaculada.

Beneitta e laudada
Subra tottus gloriosa
Mamma, Fiza e Isposa
De su Segnore.

Beneittu su fiore
Su fruttu de su sinu,
Gesus, Fiore Divinu,
Segnore nostru.
Pregade a Fizu 'ostru
Pro nois peccadores
Chi tottus sos errores
Nos perdonet.

Ei sa gratia nos donet
In vida e in sa morte,
E in sa diciosa sorte
In Paradisu