Lyrics Elmohrah - Hamad Al Ameri

المهرة اللي مالها ند واشباه
متفردة ما تشبه الا حلاها
معلقه بلسان خلق الله... الله
ومفصله في كل قلبٍ غلاها

جموح. ترفه. تجمع الزين والياه
إذا مشت تمشي الاماني وراها
فتنه لقى في عينها الحسن معناه
ومـعذبـة كـل الأوادم مـعاهـا

من حكيها المعسول تشعل معاناه
واذا سكتت كل الحكي في سماها
تجمع ما بين الشوق واللا مبالاه
وبعيونها علة فوادي ودواها

ميلاسها كل السوالف تْمناه
ومن ضحكة احلام العذارى حياها
المهرة اللي مالها ند واشباه
يالله عسى كل الصبايا فداها