Lyrics Himig, Pt. 1 - Himig Heswita

Poong makapangyarihan
Lumikha ng sanlibutan
Lupay iyong inilagay
Ng matatag at matibay
Sa tubig ng karagatan

Ang lahat ng mga bagay
Dito sa mundong ibabaw
May bakas ng yong karigtan
Pag kat ang may ariy ikaw
Diyos na makapangyarihan

Kay Kristong haring mesias
Sumalubong ng may galak
Taglay ang mga palaspas
Mga batang iyong anak
Herusalem na mapalad

Masasayang nag awitan
Ng hosana at mabuhay
Mga batat kabataan
Nag pupuri nag diriwang
Kay Kristo hari ng buhay

Sa pangungusap na ito
Ay nagalit ang sundalo
At sinampal na totoo
Si Hesus na Nazareno
Sabay wika ng ganito

Ganyan ba ang pag sagot mo
Sa dakilang paring ito
Ang sagot ni Hesukristo
Sa salitang binigkas ko
Kasama ay pakita mo

Kay Kristong harit mesias
Sumalubong ng may galak
Ang mga musmos na anak
May dalang mga palaspas
Osanay awit ng lahat

Nang sa lahat ay mahayag
Na dumating ang mesias
Simalubong syat tinanggap
May dalang mga palaspas
Osanay awit ng lahat

Lahat kayong mga tao
Ipagdiwang nyo ng husto
Ang poong Dyos nitong mundo
Siyay palakpakan ninyo
Mag purit sumamba kayo

Siya ang kataastaasan
Poong makapangyarihan
Dapat kayong mag pitagan
Siyay haring walang hanggan
Ng mundo at kalawakan

Sa daraanan ni Kristo
Nag latag ang mga tao
Ng tela at mga belo
Nag pupuri nang totoo
Inaawit nila ito

Purihin ang dumarating
Hari ng bayang israel
Isinugo ka saamin
Taglay mo ngalang butihin
Ng Dyos amang maibigin

Hari kanga ng israel
Sa angkan ni david galing
Ngayong ikay dumarating
Ngalan ng amang butihin
Taglay mot hatid sa amin

Ang mga anghel sa langit
Nag pupuring walang patid
Dito naman sa daigdig
Kami ay makikisanib
Sa kanilang inaawit

Ngayon nga ang kapistahan
Ng panginoong namatay
Ukol sating kalayaan
Si Hesukristoy nabuhay
Sya ay ating kaliwanagan

Ngayon nga ang pag diriwang
Ng muli nating pag silang
Sa tubig ng kaligtasan
Si Hesukristoy nabuhay
Sya ay ating kaliwanagan

Halinat tayoy mag alay
Kay Hesus na poong mahal
Ng panalig na tunay
Upang mapakinabangan
Ang dulot nyang bagong tipan

Sa amang Dyos at kay Hesus
Halinat ating ihandog
Ang papuri nating lubos
Espirito santo ng Dyos
I dangal natin ng lubos

Nang matapos na nga ito
Nalaman ng poong Hesus
Nanaganap na ang tanan
Syay nag bigay katuparan
Sa hula ng kasulatan

Nag wika sya kapag daka
Akoy nauuhaw aniya
Mga tanod na naroon
Sa sisidlan na may suka
Isinawsaw ang espongha

Ang wika ng panginoon
Sa nag sidating na kampon
Sino baga ang hanap nyo
At tumugon ang sundalo
Si Hesus na Nazareno

Sabi Hesus ako siya
At ang lahat ay nagitla
Ang nag kanulo sa kanya
Si hudas na alibugha
Ay kasamang nabulagta