Lyrics Mildir Ok Fræknir Menn - Hindarfjäll

Gefendr heilir!
Gestr er inn kominn
hvar skal sitja sjá?
Mjök er bráðr
sá er á bröndum skal
síns of freista frama

Elds er þörf
þeims inn er kominn
ok á kné kalinn
matar ok váða
er manni þörf
þeim er hefr um fjall farit

Ungr var ek forðum
fór ek einn saman
þá varð ek villr vega
auðigr þóttumk
er ek annan fann
maðr er manns gaman

Mildir, fræknir
menn bazt lifa
sjaldan sút ala
en ósnjallr maðr
uggir hotvetna
sýtir æ glöggr við gjöfum

Vatns er þörf
þeim er til verðar kemr
þerru ok þjóðlaðar
góðs of æðis
ef sér geta mætti
orðs ok endrþögu

Ungr var ek forðum
fór ek einn saman
þá varð ek villr vega
auðigr þóttumk
er ek annan fann
maðr er manns gaman

Mildir, fræknir
menn bazt lifa
sjaldan sút ala
en ósnjallr maðr
uggir hotvetna
sýtir æ glöggr við gjöfum

Ósnjallr maðr
hyggsk munu ey lifa
ef hann við víg varask
en elli gefr
hánum engi frið
þótt hánum geirar gefi

Hrörnar þöll
sú er stendr þorpi á
hlýr-at henni börkr né barr
svá er maðr
sá er manngi ann
Hvat skal hann lengi lifa?