Des is normal

Amal bin i groß und dann ziemlich klan
Bin manchmal streichelweich und dann hart wie a Stahn
Amal fühl i mi so jung, a anders Mal so oit
Oft macht mi schnell wos haß und dann lassts mi wieder koit

Amal bin i frustig, a anders Mal so froh
Bin gleichzeitig weit weg, aber irgendwie doch so nah
Amal bin i hässlich, a anders Mal so schеn
Lieg manchmal auf'm Bodеn und dann siehst mi wieder stehn

Des is normal
Des is normal
Des is normal
Ganz normal

Amal bin i sanft, dann wütend wie a Stier
Ned selten, dass i g'winn und dann wieder verlier
Manchmal bin i langsam und dann wieder schnell
Und meistens bin i ehrlich, hm, bis i mi verstö

Amal bin i wie a Mann, a anders Mal a Bua
Komm manchmal viel zu spät und wenn ned spät, dann viel zu früh
Manchmal bin i miad und a anders Mal hellwach
Hab schon ziemlich viel vergessen, doch dann denk i wieder noch

Des is normal
Des is normal
Des is normal
Ganz normal

Amal bin i bieder, a anders Mal im Trend
Kann mitunter ziemlich laut sein und dann wieder dezent
Kann manchmal philosophisch sein und manchmal so banal
Doch wie man's brat und wendet, im Grund is des normal

Des is normal
Des is normal
Des is normal
Des is normal
Des is normal
Des is normal
Ganz normal