Lyrics Peng - Höhner

En dr Jrundschull schon
Han ich kapiert: '
Die andre han fröher,
Ich han späder jeliert!
Su trock sich ming Schullzigg jet en de Läng –
De Houpsaach es ävver:
Am Engk mäht et Peng!
De Houpsaach es ävver:
Am Engk mäht et Peng!

E Johr es flöck öm,
Dat fieren se all:
Fründe, Verwandte –
Silvesterball.
Prosit Neujohr –
Mer schüddelt de Häng.
De Houpsaach es ävver:
Am Engk mäht et Peng!
De Houpsaach es ävver:
Am Engk mäht et Peng!

E Jläsje Wing –
Esu dann un wann.
Et kütt och schon ens vür,
Dat ich Bierdoosch han.
Ne Whiskey, ne Vodka,
Ne Dujadeng.
De Houpsaach es ävver:
Am Engk mäht et Peng!
De Houpsaach es ävver:
Am Engk mäht et Peng!

Jeld verdeen ich
Beruflich janz vell,
Als Sprengmeister bei
Dynamit Nobel.
Ich sprenge do Brücke,
Hüser un Wäng.
De Houpsaach es ävver:
Am Engk mäht et Peng!
De Houpsaach es ävver:
Am Engk mäht et Peng!

Es lebe die Liebe,
Han ich mir jesaat.
Han mich jeden Daach
Op de Lauer jelaat.
Abenteuer – hatt' ich jede Meng!
De Houpsaach es ävver:
Am Engk mäht et Peng!
De Houpsaach es ävver:
Am Engk mäht et Peng!

Dä FC Kölle.
Dat es minge Club
Dä Jeißbock, die Hymne,
Do ston ich halt drop
Et jitt keine Spieler,
Dä ich nit kenn
De Houpsaach es ävver:
Am Engk mäht et Peng!
De Houpsaach es ävver:
Am Engk mäht et Peng!

Un es eines Daachs
Ming Zigg he eröm,
Dann hoff ich, dat ich
Keine Pfläjefall ben!
Von mir us mit Pläät
Un falsche Zäng.
De Houpsaach es ävver:
Am Engk mäht et Peng!
De Houpsaach es ävver:
Am Engk mäht et Peng!

Un wenn ich em Himmel
Dä Herrjott sin,
Dann sag ich vertrauensvoll:
Hür ens Scheng!
Et iewije Levve,
Ich han et jo jän!
De Houpsaach es ävver:
Et mählt och ens Peng!
De Houpsaach es ävver:
Et mäht och ens Peng!