Lyrics Wer zoletz' laach... - Höhner

Als dä Bodo wach wood
Wor die Hostesse fott
Un met ihr och sing Rolex Uhr.
Eets wor hä suur,
Dann moot hä laache,
Dat Ding wor bloß us Singapur.

Wer zoletz laach – laach am beste,
Der hät am längste dovun.
Wer zoletz laach – laach am beste,
Do weißjo: Laache es jesund.

Rolf dä Öko-Fuss
Wor em Rän me'm Rad erus,
Dä Stenz em decke Benz laach in nur us.
Als dä Stenz em Stau stund,
Do nit mieh rus kunnt,
Do wor dä Fuss ald längs zo Huus.

Wer zoletz laach – laach am beste,
Der hät am längste dovun.
Wer zoletz laach – laach am beste,
Do weißjo: Laache es jesund.

Dat schöne Evelyn
Wullt immer jet Besseres sin.
Mich leet et niemols aan sich raan.
Doch met ehrer Schwester
Do leef et besser
Un et Eveyln hät hück noch keine Mann.

Wer zoletz laach – laach am beste,
Der hät am längste dovun.
Wer zoletz laach – laach am beste,
Do weißjo: Laache es jesund.

Als ich vun d'r Schull floch,
Do wor et kein Froch,
Dat janz bestemmp us mir nix weed,
Hück singk dr Lehrer
Als selvs ming Leeder
Wat meinste wohl wie jot dat deit.

Wer zoletz laach – laach am beste,
Der hät am längste dovun.
Wer zoletz laach – laach am beste,
Do weißjo: Laache es jesund.