Lyrics Giufà - I Beddi musicanti di Sicilia

Sintiti chi fu, sintiti chi fa,
Giufà n'ha fattu, ni fici e ni fa.
'Na vota so matri jennu a la missa
Ci dissi: "Si nesci, tiriti a porta".
Allura sapiti Giufà nzoccu fa?
Scippa la porta je ci la porta.
Pigghiava la vita cu l'alligrizza,
Cummina, cummina, c'appoi s'addrizza.
Certu pruvò quarchi vota amarizza,
Ma di 'i so' occhi mai niscìu 'na stizza.
Sintiti Giufà chi spirtizzi chi fa.
'Na vota virennu la luna nta 'n puzzu,
Va ppi pigghialla cu corda e 'nquatazzu.
Forti tirò e la corda spizzò,
Cascannu n'arreri o so postu la luna turnò.
'Na vota so matri, sintenza ditta,
Ci dissi "Ppi cena du ciciri jetta".
Leggia a quadara turnannu truvò,
Unu s'è prontu, l'autru ppi sali tastò.
Mmè, mmè, mmè,
Tutti li pecuri fannu mmè
Crapi, scecchi, saggi,
Latri, chiova, ova e re.
Spingula, spingula maestrina,
Maestrina e 'na regina
'na regina, 'na spagnola,
Tiritituppiti e nesci fora.
Fora quaranta lu munnu canta,
Canta lu jaddu e si la vanta,
Affacciatu a la finestra,
Tri palummi a la so destra.
Jaddu jaddina Palermu e Missina,
Jaddu jadduzzu Catania e Milazzu,
Jaddu jaddittu Ragusa e Maletto,
Guardate Giufà cosa dice che ha detto.