Lyrics and translation Julie Fowlis - Turas San Lochmor

Turas San Lochmor

An nì a bha nam inntinn gun inns mi dhuibh an rann:
Gu falbhainn dh'aindeoin sìde air sgrìob do thìr nan Gall,
Le baga làn de chearcan agus rudan a bha gann –
Gum bithinn aig Bliadhn' Ùir ann 's gun chùmhnadh air an dram.

Diciadain dh'fhalbh mi casruisgt' le mo bhagaichean nam dhòrn,
A' dol a Loch nam Madadh ghabhail aiseag san Lochmor;
Bha fuachd na mo chasan-sa 's bha sneachd' air bhàrr nan lòn ‑
Cha dìochuimhnich mi 'n t‑allaban cho fad' 's a bhios mi beò.

Nuair ràinig mi a' cheàrdach, àrdach duine chòir
A thug a‑staigh gun dàil mi 's a nochd dhomh càirdeas mòr,
Thug dhomh tì a b' fheàirrde mi ri aghaidh bhlàth an stòbh ‑
Gu seasainn fuachd nuair dh'fhàg sinn le mo chaiseart blàth 's lem chòt'.

Nuair dh'fhalbh an carbad-ola leinn 's ar n‑aghaidh thoir dhan tuath,
Bha sinn greis an Cearsabhagh a' blasad air stuth cruaidh;
Gun tàinig Bean na Maise 's am muir geal oirre mun cuairt,
'S chanainn fhìn gum b' amadan a rachadh innt' air chuan.

Nuair thog i mach gu farsainneachd, 's sinn airsnealach is sgìth,
Nuair thòisich cur na mara oirnn, bu mhath a bhith air tìr;
Bha mise mar bha càch, le spàirn orm a' strì ‑
An drama dh'òl mi 'n Cearsabhagh, bu duilich dhealaich sinn.

On ear‑dheas bha i sèideadh oirnn, gun choltas tighinn na b' fheàrr,
Bha sinn uil', oir b' fheudar dhuinn, nar sìneadh air an làr;
Nuair readh i sìos dhan chlaisidh leinn 's am muir a' sgailceadh àrd,
Bha cùram air gach neach againn nach tilleadh i gu bràth.

B 'e siud an oidhche ànranach a bh' againn anns a' bhàt',
Ach ràinig sinn Loch Baghasdail le dìon an Tì as Àird;
Thug mi leam mo bhagaichean agus thàrr mi às a' bhàt' ‑
Chan fhanainn‑sa na b' fhaid' innte ged rachainn dhan taigh-gheàrd!

Fhuair mi cadal socair ann an dachaigh dhaoine còir,
Aig Maiseig Ruadh, 's mo ghràdh oirre, oir nochd i càirdeas dhòmhs':
Guma fada slàn i, oir 's bàidheil i na dòigh
Gu gabhail ro aon ànranach a dh'fhàgadh an Lochmor.

Mun crìochnaich mi an t-òran seo, gun inns mi dhuibh an còrr:
A‑màireach thill mi dhachaigh agus botal na mo phòc;
Chruinnich sinn na càirdean gu pàrtaidh dhe gach seòrs',
Is cha robh h‑aon a thàinig leinn a chàineadh an Lochmor!

Voyage à Lochmor

Je vais te raconter ce que j'avais dans l'esprit :
Partir malgré le mauvais temps pour la terre des Gaels,
Avec un sac plein de provisions et d'autres choses rares -
Pour être là pour le Nouvel An et sans souci pour la boisson.

Mercredi, je suis partie, serrant mes sacs dans mes mains,
Direction Loch nam Madadh pour prendre le ferry à Lochmor ;
J'avais froid aux pieds et il y avait de la neige sur les sommets des collines ‑
Je n'oublierai jamais ce voyage aussi longtemps que je vivrai.

Lorsque j'ai atteint le quai, un homme gentil et digne
M'a accueillie sans hésitation et m'a montré beaucoup de gentillesse,
Il m'a offert du thé, délicieux près du feu de la cheminée ‑
Pour que je ne sois pas froide lorsque nous sommes partis avec mon châle chaud et mon manteau.

Lorsque le bus est parti avec nous, en direction du nord,
Nous avons passé un moment dans les Cearsabhagh, dégustant de la nourriture solide ;
La Fée du Pays est arrivée, la mer blanche autour d'elle,
Et je me suis dit que c'était une folie de s'aventurer sur la mer.

Quand elle s'est mise en mouvement, de manière étendue, nous fatigués et anxieux,
Quand les vagues se sont levées autour de nous, nous aurions aimé être sur la terre ;
J'étais comme les autres, luttant avec détermination ‑
La boisson que j'avais bue dans les Cearsabhagh, il était pénible de nous séparer.

De l'est, le vent soufflait sur nous, sans signe de calme,
Nous étions tous, parce que nous devions, allongés sur le sol ;
Quand elle s'est enfoncée dans le creux, avec la mer qui s'élève haut,
Chacun d'entre nous craignait qu'elle ne revienne jamais.

C'était la nuit la plus pénible que nous ayons passée dans le bateau,
Mais nous avons atteint Loch Baghasdail, protégés par le Très-Haut ;
J'ai pris mes sacs et je suis sortie du bateau ‑
Je n'y serais pas restée plus longtemps, même pour aller à l'hôpital !

J'ai trouvé un sommeil paisible dans la maison de gens gentils,
Chez Maiseig Ruadh, et je l'aime, car elle m'a montré sa gentillesse :
Puisse-t-elle vivre longtemps, car elle est charmante dans sa façon
De prendre soin de quelqu'un qui a été laissé par Lochmor.

Avant de terminer cette chanson, je vais te dire la suite :
Demain, je suis rentrée chez moi, avec une bouteille dans mon sac ;
Nous avons rassemblé nos amis pour une fête de toutes sortes,
Et personne parmi ceux qui sont venus avec nous n'a critiqué Lochmor !