Lyrics Catapilla - Kurt Ostbahn & Die Kombo

Do woan de Wägn
Von de Zigeina
De tot'n Gleis
Des wüde Wossa
Und do woa i
Ned zum Klakriagn
Ois klaana Bua

Glei vuam Haus
Do woa da Urwoid
Daunn san de
Catapilla kumma
Es woa an an Montog

In da Frua

I bin auße ausn Bett
Bin auße aus da Tia
I hob ned pockt
Wos i do siech
De Catapilla ham ois
Niedagmocht
Ois wos zöht hod
Fia mi
Hob no ned g'wußt

Daß an des
Öfta gschiacht

Im Urwoid wochsn
Heite Häusa
Wea domois kauft hod
Is heit Kaisa
Und en Wossa hams
Es Wüde obagramt
Des rinnt unta da Erd
Wos niemand steat
Mi hams valegt
In an Urwoid
Wo nua wea ned auffoit
Ord'ntlich durchhoit
Es woan ned vü
De gsogt ham
Oba ned mit mia
I hob boid g'wußt
Do bin i foisch
Hob meine Zeignis gnumma
Und vabrennt
Ka Hirn, hams g'sogt
Ka Funkn Vastaund
Oba i renn liaba
Geng vasperrte Tian
Ois i steh do mitn
Ruckn an da Waund

Mia woan fria Freind
Und wia san's
Heit beinaund

Se ham a poa offane
Tian eigrennt
Und si rosch ins
Aufgebn eigwöhnt
Hob'n nix mea
Wirklich woin
Fia wos si des
Suachn lohnt
Jetzt hams Schuidn
Und de Firma
In fufzehn Joa fressens
De Wiama
Und kurz vurm Schlagl
Gspia ma
Des is g'wesn
Des woa ois
Mia woa kloa
Des pockst ka Joa

Des is ned
Dei Revier
Ned fia vü Göd
Auf da Wöd

Vua ana Ewichkeit
I waß's ois war's heit
Hams wos im
Radio dazöht
Es woa de G'schicht
Von ana aundan
Neichn Wöd
Von an Land
Mit tausnd Liada
Duat san olle
Schwestan und Briada
Do wochst de Liebe
Bis in Himme
Olle san Schefs
Oda a Star
Heit pfeift da Eiswind
Um de Eckn
Es letzte Wuat ham
De größtn Deppn
Und im Hotel
Zum müden Wanderer
Hängan de Freind von fria
In da Fettn
An da Bar
Oba i kehr do
Net ei
I hob wos
Bessas vua
Weu des kost nua Zeit
Und i hobs no weit
Erscht waunn da
Letzte Catapilla
Tot am Buckl liegt
Wia a tota Sauria
In da Sunn
Daunn waß i es woa de
Wegzeit wert
Und es woa ned
Umasunst