Lyrics Streifgänger - Lo feat. Leduc & Schmidi Schmidhauser

I bine steifgänger
I streife dür d'Stadt
I streife dür d loube
U i streife dür d gasse
Suechi nach dir
(Suechi nach dir)
Suechsch du nach mir
I ha gmeint es sigi sie wo dert ä zigi zieht
I zieh um d hüüser u gseh üs überau eis am zie
Weiss es isch nut itz di loube foto-aube
Jede egge e spiuverderber lug jede tag jedi bar aah
Säg mir planet u i dräie witer mini chreise
Obwous mi us dr umloufbahn schlat we mir üs streife
Besser umeloufe aus staa heisi mir gseit
Drum gsehsch du mi verus
Drum gsehsch du mi für üs vorusga u glich hingerdri
Sie finge mi scho jensits obwou i no läbe
Doch weisch d'ärde isch rund wenns stimmt was sie so säge
U drum drum geisch du wäg u chunnsch mir glich so äntgege
U drum
Drum triffts eim wenn blicke eim träffe
Wüu jedes oug ä saturn so wie ringe drum dräie
Lug dunkli streife wie vo reife wo brämse
Und überau womer hei ghaute, suechi spuure
Suechi nach dir
Suechsch du nach mir
Loufi zwit vore oder fougi dir zwit hinger?
Suechi nach dir
(Suechi nach dir)
Suechsch du nach mir
Sie säge mir d zit isch riif
Aus chönnti sä pflücke, sä abläse vomene struch mit grosse grüene zifferbletter
Aber sie schlat keni wurzle wüu weisch
D zit isch ender ä paradiesvogu u flügt a mir verbi imne farbige fadechleid
Aah
Sie vergeit wie im flug
U i weiss nid was das bedütet u u die zeiger die renne witer
U lug u bi dir blibe si staa
U du hesch mini wäut ufe chopf dräit
Sit denn gani ganz langsam im handstang dür di stadt
Ganz langsam
Yeah
U i bine chline kurt cobain, stirbe wäge däm schuss wo mi het
Lug ihri schminki u ig hei üs verlofe
Lug so stani da mitem louf vor zit a minere schläfe, bye bye
Scho gli isches märze
Suechi nach dir
Suechsch du nach mir
Loufi zwit vore oder fougi dir zwit hinger?
Suechi nach dir
(Suechi nach dir)
Suechsch du nach mir