Lyrics Tanz - Marash & Dave

Darum tanz, tanz, tanz mit mir
(Tanz mit mir)
Also tanz, tanz, tanz mit mir
(Tanz mit mir)

Yeah, yeah, yeah
Sie stoht det, ich frog mech
Was sie amne Ort wie do verlore chan ha
Zwoi Schritt neb mer und ich seg mer
Bis mol en Maa und sprich sie ah do a de Bar
I sonre Höll het en Engel doch nüt verlore
Ich frog mech was sie do macht und mit wem sie do isch
Ben au scho verliebt gsi über beidi Ohre
Und enttüscht worde, jetzt stoht sie vor mer
Und sie seit:

Ich gspür dini Angst und din Frust uf die ganz Welt
Chom vertrau mer bitte blind und ich mach dass alles heilt
Ich gseh was du mit der treisch aber weiss doch bitte eis
Egal was mer der au seit du bisch mit mir ned ellei

Darum tanz, tanz, tanz mit mir
Als obs kes anders Mol meh git
Also tanz, tanz, tanz mit mir
Und denn wird alles besser
Es git keis morn und keis geschter ab jetzt

Ich chan ned tanze aber maches för sie
Alles um üs ume verschwindt, wird zu iis
I dem Meer vo Mönsche, du bisch mini Insle
Jahrelang am schwimme, ha nümm glaubt dass ich dech finde
Numme du und ich ellei ghöred nümm was jede seit
Ich schmöcke ihre Duft und alli Wunde sind verheilt
Jetzt bisch i mim Arm, du seisch:
"Wemmer zäme goh?"
Mer chönd alles do loh stoh und öppis neus afoh

Sie het Kaleidoskop-Auge, sie het e Elfebei-Huut
Sie het Locke us Flamme und es Revolver Tattoo
Ich ha scho oft dra glaubt
Vellne scho blind vertraut
Denn all mini Gfühl verstaut
Jetzt chonnt sie und sie seit:

Ich gspür dini Angst und din Frust uf die ganz Welt
Chom vertrau mer bitte blind und ich mach dass alles heilt
Ich gseh was du mit der treisch aber weiss doch bitte eis
Egal was mer der au seit du bisch mit mir ned ellei

Darum tanz, tanz, tanz mit mir
Als obs kes anders Mol meh git
Also tanz, tanz, tanz mit mir
Und denn wird alles besser
Es git keis morn und keis geschter ab jetzt

Sie tanzt mit mir, tanzt um mich
Mini Füess möched eifach irgendöppis ungschickts
Das chan ned real si, nur en Traum
Ich ha s Gfühl all mini Gfühl und alles hangt a dere Frau
Und ich weiss ned mol din Name
Chom seg mer bitte din Name
Sie lachet nur und seit ich hägs glaub ned so ganz verstande
Aber ich weiss ned mol din Name
Chom seg mer bitte din Name
Sie lachet nur und seit mer denn is Ohr

Darum tanz, tanz, tanz mit mir
Als obs kes anders Mol meh git
Also tanz, tanz, tanz mit mir
Und denn wird alles besser
Es git keis morn und keis geschter ab jetzt