Lyrics Tanja for Life - Muslim

طنجة فور لايف
انا هو مسلم
طنجة فور لايف
من صغري و انا نسمع طنجة لعروسة
ملي كبرت جربت بغيت نبوسا
خلاتني و مشات تضحك معووسة
مع لغريب ، و ترمي عليه الفلوسة
كنشوفك فحال شي وردة معفوسة
كنشوفك جنة بلحاق مندوسة
شحال كبرتي و كتروا فيك الكنوزة
و حلاوتك بدات كتجيني مسوسة
تبدلتي وليتي بوقوسة
و زوجوك و ما كلينا فقوسة
ضحكتي بزاف حتى بانت لك السوسة
و ملي عقتي ، بقيتي مقروصة
نسيتي بلي راكي عندي فالقلب مغروسة
محال تهون عليانشوفك مفروسة
بغيتي ولا كرهتي راكي فعقلي محبوسة
وانا الحر ، فالزناقي المنحوسة

فيها خلقت فيها كبرت فيها ضحكت فيها بكيت و دايمن جارية فدمي
طنجة فور لايف
فيها نعيش فيها نموت فيها كتبت بدمي على لحيوط اسمي
طنجة فور لايف
فيها خلقت فيها كبرت فيها ضحكت فيها بكيت و دايمن جارية فدمي
طنجة فور لايف
فيها نعيش فيها نموت فيها كتبت بدمي على لحيوط اسمي
طنجة فور لايف

قالولي مدينتك كتعطي للبراني
قلتلهم مدينتي عارفاني أناني
حيت هي مدينتي أنا لي غنعطيها
جيب العز ، ولا كحز خليها
حيت طنجة عندها طبيعة متمرمدة
وخا تقساح عليا ، كنبقى ولدها
شوف انتا لي باغي تبدل الجلدة
طنجة ، عمرا تربي الكبدة
ولادا فالحبس و فالغربة ولا ماتوا
ولي بقى ، لحضنها ضماتو
يا طنجة قلي شكون علمك تسهر؟
قلي علاش ماقديت نعطيك الظهر؟
عاملالي سحور مدفون فقاع البحر
كل ما هجرتك ، وحشك يظهر
طنجة العالية ، ديما غالية
راك دايمن فالدم ، واخا الدنيا فانية

فيها خلقت فيها كبرت فيها ضحكت فيها بكيت و دايمن جارية فدمي
طنجة فور لايف
فيها نعيش فيها نموت فيها كتبت بدمي على لحيوط اسمي
طنجة فور لايف
فيها خلقت فيها كبرت فيها ضحكت فيها بكيت و دايمن جارية فدمي
طنجة فور لايف
فيها نعيش فيها نموت فيها كتبت بدمي على لحيوط اسمي
طنجة فور لايف

يا طنجة قلي علاش ليلك توسخ؟
قلي علاش بنادم فيك تمسخ؟
قلي هاذ لبنات لي تعراو واش بناتك؟
هاذو لي ناعسين فالبرد واش ولادك؟
قلي علاش العيشة فيك ولات صعيبة؟
فين مشى الامان و مين جاتنا السيبة؟
طنجة ، عروسة الشمال
زينوك بالكازينوت و البيران
من كل أرض قصدوك الكيران
عمرتي يا طنجة ، و ما بقيتي تميز ولادك من اولاد الجيران
طنجة ، هاذ الناس زينوك للمنكر
و نساو بلي راك على لبحر
طنجة فور لايف
فيها خلقت فيها كبرت فيها ضحكت فيها بكيت و دايمن جارية فدمي
طنجة فور لايف
فيها نعيش فيها نموت فيها كتبت بدمي على لحيوط اسمي
طنجة فور لايف
فيها خلقت فيها كبرت فيها ضحكت فيها بكيت و دايمن جارية فدمي
طنجة فور لايف
فيها نعيش فيها نموت فيها كتبت بدمي على لحيوط اسمي
طنجة فور لايف
طنجة فور لايف
جيب لعز ولا كحز، مسلم.