Lyrics W Aychin - Muslim

عايشين
والوقت دغيا ماشي
وعايشين
كيف البارح كيف اليومة و شايفين
حوال الناس لي من غدة خايفين
الناس لي من حياتهم ولاو مغيفلين
وموالفين
وخى اتنكل فهذ لبلاد حق ليتامى و جاعوا
وخى يخدم فهاذ لبلاد غير لي معرف دراعو
وخى شباب هاذ لبلاد غير فلبحر ضاعوا
وخى بنات هاذ لبلاد غير فالطريق يتباعوا
وخى الدروجا ادور فالحوم ديالنا كتر من الحص
وخى الناس الي نعتروا عليهم فالزناقي ناعسين على الدس
وخى المعيشة الي غلات و المسكين مزموت
وخى الدراوش الي فالسبيطارات كاتموت
وخى البرلمان لي خارجة منو ريحة البوس
وخى الما و الضو لي عند البوفري كابوس
وخى الشحت و البحت وخى الدم و الدموع
عايشين و دايما راسنا مرفوع
عايشين
وخى الفقر وخى الجوع عايشين
وخى الدم وخى الدموع عايشين
وخى القمع وخى الضغط عايشين
وخى الكفر وخى السخط عايشين
وخى الفقر وخى الجوع عايشين
وخى الدم وخى الدموع عايشين
وخى القمع وخى الضغط عايشين
وخى الكفر وخى السخط عايشين
عايشين وخى ديننا ولى مشبوه
وخى اللحية فوجه المسلم ولات شي مكروه
وخى بن ادم ولى رخيس يتباع و يتفجر
وخى المجتمع يقساح و القلوب تتحجر
وخى السلطة يعني القوة تساوي تحقر
وخى الشعب يعني الضعف تساوي ونتر
وخى الصحة طاحت و التقاعد 2 فرنك
وخى ديور رابت وكاليتونا غير بالزنك
وخى ما شفنا والو من هادوك الي ترشحوا
وخى ما صوتناشي ما عرفنا كيف نجحوا؟ (هههه)
وخى المنكر و العرى ولى عادي
وخى الرشوة واصلة حتى لسيد القاضي
وخى الوقت صعاب و الطرف دالخبز عاصي
وخى ما بقاو الصحاب و الخاوة يولي قاسي
وخى الرحمة والو و العفة ما كايناشي
عايشين و الوقت دغية ماشي
عايشين
وخى الفقر وخى الجوع عايشين
وخى الدم وخى الدموع عايشين
وخى القمع وخى الضغط عايشين
وخى الكفر وخى السخط عايشين
وخى الفقر وخى الجوع عايشين
وخى الدم وخى الدموع عايشين
وخى القمع وخى الضغط عايشين
وخى الكفر وخى السخط ... عايشين
عايشين وخى العمر ضاع بين لحيوط
عايشين وخى السنين تفوت و الكل مشلوط
عايشين وخى المستقبل فينا كاعي
عايشين وخى ربيع الرعاية رعاه الراعي
عايشين وخى ساخطين على هاذ الأرض
عايشين وخى ساطمين على شوك الورد
عايشين وخى نياب الفقر طاحنة
عايشين وخى يد المحنة ذبحنا
عايشين وخى لهموم فقلوبنا مزاحمة
عايشين وخى الموت يمكن رحمة
عايشين وخى أيامنا غير إعادة
عايشين وخى دموع السخط هوادة
عايشين وخى دمنا فالزناقي مهرق
عايشين وخى ظهرنا بالدق مزرق
عايشين وخى وخى حياتنا ماتت
عايشن وخى و هاذي سنين فاتت
عايشين
وخى الفقر وخى الجوع عايشين
وخى الدم وخى الدموع عايشين
وخى القمع وخى الضغط عايشين
وخى الكفر وخى السخط عايشين
وخى الفقر وخى الجوع عايشين
وخى الدم وخى الدموع عايشين
وخى القمع وخى الضغط عايشين
وخى الكفر وخى السخط عايشين