Текст песни Immagini - Nino D'Angelo

Quando inte all'alba, se scetava 'o Sole
'O mare grigio, addeventava blu
Nu piscatore viecchio riturnava
Cu 'a faccia stanca 'e chi nun ce 'a fà cchiù
Na vicchiarella l'aspettava, cu 'o viento nfaccia
E a coppe 'o mole
E si spugliavano 'e paure
Quando 'o vedevo 'e riturnà

E tu, dinte 'a st'immagini 'e felicità
Venive a me 'ncuntrà
E io, già t'aspettavo primma e t'aspettà
Nun ce 'a facevo cchiù
Pecchè tu ire nata, pecchè tu esistive
Pecchè tu m'ive date qualcosa
Ca niente e nisciuno me puteve dà

Nu guagliunciello sulo ghieva 'a scola
'A mamma do balcone se 'o guardava
Nu cane cammenava sotto 'o muro
Cu ll'uocchie e 'a coda e quanne era felice
'O porta lettere chiammava
Na nnammurata rispunneva
'O pizzaiolo che cantava: "A pizza è cavera
'A vulite!"

E tu, dinte 'a st'immagini 'e felicità
Venive a me 'ncuntrà
E io, già t'aspettavo primma e t'aspettà
Nun ce 'a facevo cchiù
Pecchè tu ire nata, pecchè tu esistive
Pecchè tu m'ive date qualcosa
Ca niente e nisciuno me puteve dà!!!

Quant'anne sò? Me pare aiere
Eppure, è tantu tiempo fà
Songhe cagnate tanta cose
Se sò cagnate 'e verità
'O piscatore, ha perso 'o mare
Nisciuno 'e scrive 'e nnammurate
E chillu llà che ghieva a scola
Mò tene 'e braccia tutte bucate

E nuie, senza 'e st'immagini 'e felicità
Nun ce firamme 'e stà
E nuie, stamme affunnanno dinte 'a libertà
Nun ce 'a facimme cchiù
Pe sti cose sbagliate, e stu munno vennuto
'O Signore ce ha date na Vita, e nuie chesta Vita
L'amma rispettà!