Lyrics Samu't saring Larawan - Noel Cabangon

Nag iisa sa isang sulok
Nag iisip ng malalim
Para bang may problemang di maunawaan

Paikot ikot ang isipan
At di mapakali sa upuan
Mga tao'y pinagmamasdan
Tila ibig nitong lapitan

Humihingi ng saklolo ang kanyang kalooban
Humihiyaw sa galit ang loob niyang nagngingitngit
Katatanggal lang sa trabaho sumasakit ang kanyang ulo
Pano na lang ang kinabukasan walang kitang pagsasaluhan
Han hahahan

Nakaupo sa may kanto
Nakatingin sa malayo
Tila walang pinagmamasdan
Nakatitig lang sa kawalan

Humihithit ng sigarilyo
Ang usok ay di humihinto
Umiiling iling ng kanyang ulo
Buhay di mawari di matanto

Tinatanong nya ang kanyang sarili
Sarili ay sinisisi
Nakaistambay sa maghapon
Nagdaan na naman ang panahon

Matatapos na naman ang araw
Kahihintay ng bulalakaw
Matapos ng magsigarilyo
Lilisanin na rin ang kanto
Wohooho

Sari saring mga larawan
Puno ng kwento kung pagmamasdan
Iba't ibang mga problema
Iba't ibang bigat ang dala

Mga larawan ng buhay buhay
Larawan ng paligid nating makulay

Naglalakad sa may kalsada
Dala dala ang buong pamilya
Buong bahay nasa kariton
Walang tiyak na direksyon

Kinakatok ang mga bintana
Ng mga kotseng nakaparada
Maiitim na palad ay sinasahod
Habang kalong ang anak na tulog

Sinusumpa ng ale ang naging buhay nya sa kalye
Ngunit tila tanggap sa sarili ang kapalarang
Di man nya pinili
Umaasam na may tutulong upang sa kalalagya'y makaahon
Ngunit sarado na ang bintana ng kotse
Nanahimik ng patuloy na lang ang pobre

Sari saring mga larawan
Puno ng kwento kung pagmamasdan
Iba't ibang mga problema
Iba't ibang bigat ang dala
Mga larawan ng buhay buhay
Larawan ng paligid nating makulay

Mga paang naglalakad nagmamadali mabagal makupad
Mga magkahawak na mga kamay
Mga taong magkaakbay nakahubad nakatsinelas
Nakasapatos butas ang medyas
Nag aaway na magkapit bahay mga damit na nakasampay
Mayayaman mahihirap pulitiko pulis mandurugas
Maiingay mabaho mausok mga basurang nabubulok
Nagtataasang mga gusali mga tirahan sa pusali