Lyrics Mere Baad Phir Kisi Se Kabhi - Nusrat Fateh Ali Khan

Main kaheen bhi jaaun Aey Jaan!
Mera Intezaar karna!
Mere Baad phir kisi se
Kabhi tum na Pyaar karna!

Mera naam jin labon pe
Kabhi khelta tha barson
Meri Jaan, Main wohi hun
Mera Aitbaar karna

Tu nigaar-e-zindagi tha
Tu bahar-e-zindagi tha
Mujhe yaad hai abhi tak
Tera Be-Qaraar karna

Tu Bazaat-e-Khud nasha hai
Tu Misaal-e-Maikada hai
Tera khud se moo chupaana
Mujhe Sharm-saar karna

Tu agar bhattak bhi jaye
Tere paas hai woh rasta
Jisay "Noor" ne dikhaya
Wohi ikhteyaar Karna

Main Kaheen bhi jaun Aey Jaan!
Mera Intezaar Karna!