Lyrics Saudade - Pranga

Tənhalıq başlayır burdan o yana
Keçdikcə keçilməz, atam balası
Çayları, çölləri tutsan boyuna
Ayları, illəri tutsan boyuna
Ölçdükcə ölçülməz, atam balası

Daha çoxlarıyla aram sərinlər
Çoxları boyuma sevinməz daha
23 yaşımda məni sevənlər
33 yaşımda sevəmməz daha

Mən axı nə Yolam, nə Çöl, nə Küçə
Mən axı hamının ola bilmərəm
Məni sevənlərdən ötrü-ölüncə
23 yaşımda qala bilmərəm

Uzanır yollar yenə, nə qədər uzansa da gətirmir
Ötən illərimi onlar mənə, sonlar yenə
Qapımı döyür tanışdır, bu sonlar mənə yollar yenə
Uzanır, amma ömür uzun deyil axı yollar qədər
Danib bastırmaq albom mənə, uşaqlıq illərdə ilk sevgini
Vəfasızdır ömür günü eləbil, ən vəfasız dostlar
Kimi
Həyat yarı ömür qısa, alovlu ruhum dönür buza
Vaxt gələndə mən də yolçu, məni də ölüm udar, ömür uduzar
Bilirəm bu dünya yalan,
Qonağam yalan dünyada Çevirib doğmanı yada, gedir o zamansız qatar
Eləbil Tanrıya yadam, eləbil udunub torpağı daşıyan adam
Xatırlamır məni dünyada ölən, misralarda yaşayan adam
Bir sirrim var daşıyıram özümdə, gözümdə süzülən yağışlar yuyur
Bir sirrim var nə ölülər anlayır, nə korlar görür, nə karlar duyur
Bu sirri götürməz deyirlər məzar, sirr də qocalır sonda, əzizim
Bir vaxt cavan-cavan şeirlər yazan şair də qocalır sonda, əzizim

Nə qədər sözlər var sözümdən cavan
Daha çığırmağa nəfəsim gəlmir
Daha bu dünyada özümdən cavan
Şeirlər yazmağa həvəsim gəlmir

Ömrümü aldı, illər apardı
Dünyaya bizdən təkcə, mahnilar qaldı
Ömrümü aldı, illər apardı
Dünyaya bizdən təkcə, mahnilar qaldı

Bu yollar aparır hara?!
Sevinci kədərə qataraq
Ömrümü zamana sataraq
Durmadan günaha bataraq
Bugünü sabaha ataraq mən, dünlərimdə yaşayıram
Bir vaxt ağırdı dediyim yükləri, indi səpərək
Daşıyıram
Yoruluram, taqətdən düşür əllər, yorulur dizlər,
Mən fəth etdikcə dağılır dağlar, quruyur həmin dənizlər
Yazırıq tarixi körpülər salıb ki, gələnlər olsun izlə
Və biz də yaşayırıq inadkar mübarizəmizlə, musiqimizlə

Kiriyir, yumşalır şeirlərim də
Qocalir misralar, sözlər mənimlə
Dostlar cavan qalır şeirlərimdən
Qocalmaq istəmir dostlar mənimlə

Ömrümü aldı, illər apardı
Dünyaya bizdən təkcə, mahnılar qaldı
Ömrümü aldı, illər apardı
Dünyaya bizdən təkcə, mahnılar qaldı
Ömrümü aldı, illər apardı
Dünyaya bizdən təkcə, mahnılar qaldı
Ömrümü aldı, illər apardı
Dünyaya bizdən təkcə, mahnılar qaldı

Son nəfəs dünyada hər şeydən şirin
Şair də qocalır, ölür, bilirəm
Sözündən qan iyi gələn şairin
Ağzından süd iyi gəlir, bilirəm

Bu dünya bir qaynar qazanmış demə, Söndürməz odunu nə qar, nə yağış
Dünyayla dalaşmaq asanmış demə
Çətini dünyayla barışmağımış...