Lyrics O Dönəcək (Demo Home Recording) - Remastered - PRoMete

Tərk etdiyin, o yerdə tək,
Hər gün eyni ümidlə gözləyərək.
O, dönəcək!

Səni məndən ayırsaydı ölüm, bəlkə belə çətin olmazdı,
Hər gün səni fikirləşməzdim.
Daha rahat olardı içim, ağlıyardım hər gün biraz,
Gözüm arxanca qalmazdı.
Şəkillərinə baxardım, qədər ilə razılaşmazdım,
Bir gün ya mətbəx bıçağı, ya da ülgüc dost olardı damarlara,
Bu tərəflərdə səndən ayrı qalmazdım.
Amma nə yazıq ki, yazı başqa,
Sağsan və məndən ayrı ona görə başqa fikirlər fırlanır başda.
Səni öldürmək hissi keçir içimdən,
Buna görə Günəşim, (Günəşim) məni bağışla.
Sənə ünvanladığım söyüş və qarğışlardır
Yəqin, işlərinin tərs getməsinin tək səbəbi.
Qarşısını ala bilmirəm artıq artan əsəbin,
Mən nə bilim ki, nə deyim ki, xoşuna gəlim?
Deyim ki, "səni sevmirəm artıq!"
Özümə yalan danışa bilmirəm, bunu məndən yaxşı bilirsən.
Yoxsa deyim "səni dəli kimi sevirəm"?
Yox səni səndən çox sevəcək qədər ağıllıyam, bunu bilirsən.
Ya da mobil telefon, hələ də adının sonunda "M" hərifi durur.
Sadəcə, mesaj yazacaq qədər mənlik balansında yoxdur qürur (yoxdur qürur).
Tüpürmüşəm zamanla əlaqəli bütün aforizmlərə,
"Zaman unutdurur" kimi boş sözlərə.
Ya da "sevgilinə görə, sevgiyə görə çalışmaq lazımdır" kimi xoş sözlərə.
Şablonlardan uzaqlaşmışdım, sənin "O" olduğunu dərk edəndə.
Ya da ki, hamıdan fərqli "sən get, mən otururam" deyib məni tərk edəndə.
Sənin deyərək-gülərək keçirdiyin günlərdə,
Mən hələ də "necəsən?" soruşanlara cavabda deyirəm
"Belə də".

Əgər sən qarşılıqlı məhəbbətsiz sevirsənsə, yəni sənin sevgin bir sevgi olaraq cavab sevgisi doğurmursa, bir sevən adam kimi sən həyati təzahürünlə özünü sevdirə bilmirsənsə, onda sənin sevgin gücsüzdür. Və bu bədbəxtlikdir.

Tərk etdiyin, o yerdə tək,
Hər gün eyni ümidlə gözləyərək.
Tərk etdiyin, o yerdə tək,
Hər gün eyni ümidlə, gözləyərək.
O, dönəcək! O, dönəcək!
O, dönəcək! O, dönəcək!
O, dönəcək!

Tərk etdiyin, o yerdə tək,
Hər gün eyni ümidlə gözləyərək.
O, dönəcək!