Remember

Kaise bhul jaata journey vo bhai
Kaise bhul jaate mehnat ki pehli kamai
Yaad kar jab maa ko thi saaree dilai
Apne paise se, dil tera bhi bhar aaya tha na bhai

Worth living again aisi hai life,
Trust me you're living in heaven mere bhai
Isko bhul kar bhi kabhi jahannum na samajhiyo
Itne acche dost is dharti pe tune hi banaye

Im sure papa kehte honge " proud of you son "
Aur agar nahi bol paaye fir kehta unka mann
Unhe bhi pata hai kaisi kutti si hai ye jung
Aur tu aag bann kar nikle, ho na teri lapte kum

Aur tu lega apni gaadi, tu fir lega apna ghar
Jisme aangan hoga pyaara, saath rahenge sab
Saath honge mom-dad aur saath apna dog
Family's all together aur kya chahiye dost

Teri zidd bhi hogi puri, jo tu kaha karta tha
Jo mehngi shirt lene ke liye din raat kaam karta tha
Jo bike leke jaana tha tujhe leh ladaakh
Vo sab payega tu, jab tak sar par uska haath

Aur vo chhorenge nhi tera haath, aisa mere bholenaath
Barsayenge tujhpe saare ful aur saare prashad
Dil se tu humesha hi saccha rehna bhai
Seekh lena zindagi se, vohi hai teri ladai

Aur apne chhoto ko sikhana kaise haarna nhi hai
Jitna bhi ho niche haar maanna nahi hai
Bhale khane me bas dal chawal aur dahi hai
Yaad rakhna tune shuruat kaha se kari hai

Aur bhai Galtiya bhi karna unse sikhna bhi tu
Baarisho me bewajah kabhi bhigna bhi tu
Aadar karna jab tak mil rhi hai achi khaasi dhoop
Aur kisika bhi bura kabhi sochna nhi tu

Aisa waqt aayega, log lagenge kharaab
Aisa waqt aayega pyaari lagegi tujhe sharaab
Thoda bigad lena, lekin firse aajana tu daud me
Itni aasani se daud se nikal na jaana aap

Khud hi tujhe rakhna hai apna khayaal
Khud hi karna decide konsa rasta kharaab
Khud hi jaana padega tujhe badalo ke paar
Aise hi bharega tu apni pehli apni udaan

Teri zidd bhi hongi puri, jo tu kaha karta tha
Jo mehngi shirt lene ke liye din raat kaam karta tha
Jo bike leke jaana tha tujhe leh ladaakh
Vo sab payega tu, jab tak sar par uska haath

Aur vo chhorenge nhi tera haath, aisa mere bholenaath
Barsayenge tujhpe saare ful aur saare prashad
Dil se tu humesha hi saccha rehna bhai
Seekh lena zindagi se, vohi hai teri ladai

Kitne log bhi tera saath chhorenge
Kitne logo ke liye sab kuch hoga tu
Upar udne wale panchi chhote pedo se dil nhi lagate
Aur kaafi zyaada upar hi udega tu

Kitne log bhi tera saath chhorenge
Kitne logo ke liye sab kuch hoga tu
Upar udne wale panchi chhote pedo se dil nhi lagate
Aur kaafi zyaada upar hi udega tu