Lyrics Lu primm'ammore - Roberto Murolo
Nennè, sta vota sienteme
No mme lassà speruto
Apposta so' benuto
Pe' tè putè parlà!
E t'aggia dì stu riepeto
Nzegnato da su core
È caro u primm' ammore
E no nse po' scurdà!
Tengo sempe a memoria
Quann'era guagliunciello
Da chillu fenestiello
Currevano a parlà
Facevamo a nasconnere
Cu tutte i frate e sore
È caro u primm' ammore
E no nse po' scurdà!
Coll'acqua, viente e tronole
So' curzo tutto 'nfuso
E lo portone 'nchiuso
Hai fatto a mme truvà
Ma non mme pote smovere
Né nfriddo né calore
È caro u primm' ammore
E no nse po' scurdà!
Mm'aje fatto a notte sbattere
Pe' sott"a lu barcone
Ma co li cante e suone
T'aggio fatto io scetà
Mme n'aje portato nzuocolo
Menannome no sciore
È caro 'o primm'ammore
E no se po' scurdà!
E non 'mme da cchiù tuosseco
Dimme ca mme vuò bene
Levame da ste pene
E non mme fa crepà
Fenimmo mo sti lotane
E ddì cu tutt"o core
È caro 'o primm'ammore
E no se po' scurdà!
Attention! Feel free to leave feedback.