Lyrics Na sera 'e Maggio - Roberto Murolo

Quanno vien'a 'appuntamento
Guarde 'o mare, guard"e ffronne
Si io te parlo nun rispunne
Staje distratta comm'a che
Io te tengo dint"o core
Sóngo ancora 'nnammurato
Ma tu, invece, pienze a n'ato
E te staje scurdanno 'e me

Quanno se dice: "Sí", tiènelo a mente
Nun s'ha da fá murí nu core amante
Tu mme diciste: "Sí" na sera 'e maggio
E mo tiene 'o curaggio 'e mme lassá

St'uocchie tuoje nun só' sincere
Comm'a quanno mme 'ncuntraste
Comm'a quanno mme diciste
"Voglio bene sulo a te"
E tremmanno mme giuraste
Cu na mano 'ncopp"o core
"Nun se scorda 'o primmo ammore"
Mo te staje scurdanno 'e me

Quanno se dice: "Sí", tiènelo a mente
Nun s'ha da fá murí nu core amante
Tu mme diciste: "Sí" na sera 'e maggio
E mo tiene 'o curaggio 'e mme lassá

Tu mme diciste: "Sí" na sera 'e maggio
E mo tiene 'o curaggio 'e mme lassá