Lyrics ឃ្វាលពពក ឃ្វាលទឹកភ្លៀង - Ros Sereysothea

ឃ្វាលចិត្តប្រុសពាល ដូចឃ្វាលពពក
ពេលខ្យល់បក់មក ពពករសាត់មិនទៀង
ឃ្វាលចិត្តប្រុសពាល ដូចជាខ្ញុំឃ្វាលទឹកភ្លៀង
នេះហើយសំនៀង នៃជីវិតខ្ញុំ

ថ្ងៃមុននិយាយ ថាស្រឡាញ់ណាស់
ខ្ញុំនៅចាំច្បាស់ ចាំណាស់ពាក្យថាមិនភ្លេច
ឥឡូវស្នេហារះឆ្ងាយ ដូចផ្កាយព្រិចព្រិច
ស្ទើររះស្ទើរលិច អស់សង្ឃឹមហើយ

បបូរមាត់អើយ មាត់បងអើយ ឆ្លើយជាស្នេហ៍ភរ
ស្នេហ៍ភរ បោកចិត្តអូន
ឱ្យស្រពោន ស្ទើរសូន្យជីវិត
អនិច្ចាដួងចិត្ត ខ្ញុំឥតសង្ឃឹម

លោកនេះនរណា ឈឺចិត្តដូចខ្ញុំ
យប់ថ្ងៃគេងយំ បាយលាយទឹកភ្នែក សោកា
បើខ្ញុំសាងផ្នួស ក៏ព្រោះតែរឿង ស្នេហា
អ្នកផងដៀលថា គ្មានបានបុណ្យឡើយ