Lyrics Teddybär - Rumpelstilz

I sitze i mym Zimmer u dänke praktisch immer nume no a Di
Sitdäm i Di ha troffe, da chani nume hoffe Du dänksch ou a mi
Denn i däm dunkle Tanzlokal, sit dere blaue Nacht
Woni Di ha zum erschtemal bis vor dy Türe bracht

Hesch gseit i syg e Glatte, Du heigsch so gueti Platte, i söll zue dr cho
Hesch gseit: Mir wei nid liire, wie gschyder chly ga fiire, mir hei meh dervo
U später uf dym Fäderbett hesch mer dy Liebi gä
U wül mi das so ufgstellt het, muesch mi no mängisch nä

I wett i wär
Mit Dir elei als dy Teddybär
Stell dr doch vor wie schön das wär
We Di chasch häbe amne Teddybär
Öpis erläbe mit dym Teddybär (Teddybär), Teddybär

I chume Dir eis cho summe, i chume Dir eis cho brumme, i bi sofort bi Dir
Tue miter uf dym tolle Teppich umerolle, i ha Zyt derfür
U we de i dr Stimmig bisch, nimme Di ufe Schoss
We mer es französischs Müntschi gisch, de geits erscht richtig los
Nimm z'Kama Sutra abem Büechergstell, s'isch um z'probiere z'tüe
De hei mer s'zäme bummsfidel bis spät am Morge früe

I wett i wär
Mit Dir elei als dy Teddybär
Stell dr doch vor wie schön das wär
We Di chasch häbe amne – Teddybär
Öpis erläbe mit dym Teddybär (Teddybär), Teddybär

I wett i wär
Mit Dir elei als dy Teddybär
Stell dr doch vor wie schön das wär
We Di chasch häbe amne – Teddybär
Öpis erläbe mit dym Teddybär (Teddybär), Teddybär