Lyrics Xəyanət - Rəhimxan

Nə qaldı, söylə, geriyə bu sevgidən? - Xəyanət
Sən demə, yalan imiş təmiz sevgi, məhəbbət
İtirdim hər şeyimi, bax indi təkcə ağrılarım var
Səndən mənə əmanət
Nə qaldı, söylə, geriyə bu sevgidən? - Xəyanət
Sən demə, yalan imiş təmiz sevgi, məhəbbət
İtirdin hər şeyini, bax indi təkcə mahnılarım var
Məndən sənə əmanət

Qalmadı səbrim, axı deyil ürəyim daşdan
Demə ki, peşmanam, başlayaq hər şeyə gəl başdan
Sən ki geridə buraxıb məni özgəsinə güvəndin
Əskik olmasın ürəyində dağ, gözündə yaşlar
Bağışlar səni Allah, daha gözləmə məni, gəlməm
Bitdi hər şey, istəsək də, olmaz daha bizdən
İndi sərxoşam və çıxmadı ağlımdan əsla
Necə də asanlıqla saldı özünü o qız gözdən
İstəmirdim unutmaq, amma səni ürəkdə gömdüm
Özgəsi ilə gülmə, istəsən, al canımı, öldür
Hər gecə səni izləyirəm sən gələndə pəncərəndə
Görmək istəsən, otağının işıqlarını söndür
Sənmi günahkar, yoxsa mənmi səbəbkar?
İndi qəmli gözlərin ağlamağa bir nədəni var
Mənmi düşmənəm, yoxsa yar idi peşman?
Çünki hər xəyanətin sonunda bir bədəli var

Nə qaldı, söylə, geriyə bu sevgidən? - Xəyanət
Sən demə, yalan imiş təmiz sevgi, məhəbbət
İtirdim hər şeyimi, bax indi təkcə ağrılarım var
Səndən mənə əmanət
Nə qaldı, söylə, geriyə bu sevgidən? - Xəyanət
Sən demə, yalan imiş təmiz sevgi, məhəbbət
İtirdin hər şeyini, bax indi təkcə mahnılarım var
Məndən sənə əmanət

Unutmadım mən, düşməsəm də yadına
Sən doğmasan mənə, mən də sənin yadınam
Soldu çiçəklər bizim sevgi bağında, bitdi
Doldu gözlərim və qurudu yaş yanağımda
Olmayaydı kaş ayrılıq yavaş-yavaş
Aldı məndən məni, sevməm daha, bir də güvənməm
Qırdı qəlbimi dərdinə dərman olduğum
O gedən getdi o yarım, bilirəm, bir daha dönməz
Çətin olsa da zaman-zaman, yoxluğunla barışdım
Bu milyonlar içində, bil, sənsizliyə qarışdım
Sən gedəndə güldülər və adımı qoydular dəli
Çünki gecəni səhərə qədər şəkillərlə danışdım
Sən var idin, vardı bahar, çiçək açırdı gülüşlər
Yoxsan indi, soldu çiçəklər sonuncu görüşdə
Bilməz idim, ayrılarıq biz də günün birində
Doğrudan da, bir xeyir var olan-bitən hər işdə

Nə qaldı, söylə, geriyə bu sevgidən? - Xəyanət
Sən demə, yalan imiş təmiz sevgi, məhəbbət
İtirdim hər şeyimi, bax indi təkcə ağrılarım var
Səndən mənə əmanət
Nə qaldı, söylə, geriyə bu sevgidən? - Xəyanət
Sən demə, yalan imiş təmiz sevgi, məhəbbət
İtirdin hər şeyini, bax indi təkcə mahnılarım var
Məndən sənə əmanət