Hemels

Herrezen vanut et verleden dus pas et dak ier nu geschiedenis schrievn
Kmoe stoppen met me soms onzeker te voeln die gevoelens de dieperik wiezen
Ik stoa voe principes dus moeke nu ook principieel up me zelvn vertrouwen
Leern voer echt van mezelvn te houdn en leern de weg voe mezelvn te bouwen
Gedoan met de twijfel, ik kun echt nie anders dan dak da men eigen vertellen
Want okke mezelvn nie zien is me leven nie meer dan e reis deur de hel
Liever men eigen traject voe de nelft mo belopen dan dakke een ander's volledig kun doen
Tbelangerijkst is daj int nu zit en kvoel me gezegend want da kukke redelijk goed

Ik loatn gedoane praktijken nie toe in me schedel
Ik zetten ze los, ik trekken me los van woede of troebele wegels
Et pad dak gekozen en recht deur et bos, gin route of tegels
Olene mor ik en men erte die klopt, zo voel ek me hemels
Ik loatn gedoane praktijken nie toe in me schedel
Ik zetten ze los, ik trekken me los van woede of troebele wegels
Et pad dak gekozen en recht deur et bos, gin route of tegels
Olene mor ik en men erte die klopt, zo voel ek me hemels

Den ochtend is vaak mo zo schone lik da je em makt
Us leven is zelve te kneden, te vormn en boetseren dat ligt in us macht
Zovele van us zien onzeker, en missen de kracht
Voe zelve te bouwen en te kunnen bricoleren mo vaak is da nie vele meer of t'gedacht
We zitten gevangen in us hoofd en we kun der nie ut
Dat peizn we, peizn, we peizn en bluvn mo peizn, mo go nie vorut
Bevriezen ter plekke zovele zit weg en verborgen en wordt niet ontlukt
Mo tbeste van ol gif je olles daj et en goj ieder moment volluit
Nie wachten up e motivoatie da komn mo vanaf daj de bolle beweegt
Iedere dag is e kans voe te doen wa daj dacht da nie kost en da je limiteert
We zien oneindige wezens de kracht in us is veel te groot voe voer eeuwig te stoppen
Dus doe mo je ding en in et slechste geval luk et nie mor ej moeite gedoan voer etwot
Voel je vuldoening en nieuwe energie, de voeding voe meer te kunnen realiseren
Stoa j'up et punt daj wel bikan in stoat ziet je woarlijkse dromen te kunnen manifesteren
Tklinkt supersimpel da wit et mo tkomt, omdat zo simpel ku zien lik dat liekt
Tzit em in kleine obstakels die massas veel groter zien oj ze van verre bekijkt
Kpakknt dus vast, kloatnt nie los, nu ek de touwtjes weer zelve in men handn
Nog mo vetrokken mo kvoeln et ontpoppen van wa inspiroatie en loatere plannen
Niemi te stoppen nu gokke dervoorn, da pakken ze zeker niemi van men of
Want nu ziek in stoat voe zelfzeker met gin arrogantie te spreekn en men eigen te boffn

Kgeevn olles wa dak en omdak nu weten
Dat olene mor azo is daj etwoashn ku geraken
Kgeevn olles wa dak en omdak nu weten
Dat olene mor azo is daj etwoashn ku geraken
Kgeevn olles wa dak en omdak nu weten
Dat olene mor azo is daj etwoashn ku geraken
Kgeevn olles wa dak en omdak nu weten
Dat olene mor azo is daj etwoashn ku geraken

Zoveel nog te vragen, zoveel nog te weten
Zoveel zaken in me leven dak nog moeten exploren
Zoveel zever nog te spreiden, zoveel zunne nog te vangn
En nog vele meer liefde dakke an de menshen go kun geven
Zovele is zeken, zovele gezegend
Zovele verleden zaken die me nu niemi kun deern
Echt zovele kunnen we ollemaal bereiken
On we ollemale us eigen zien en us voe niemand moetn excuseren

Kvoel men exploderen deur de kracht vant geloof
In mezelvn en das nodig voe verder te reizen
Nu ziek overtuigd dat de dag nie beslootn
In de nacht ligt mo dak em kun kneden no men eigen
Olles ligt nog open, ook men ogen en men oorn
Nu ziek wakker en der is gin bitje zin voe nog te slapen
Want kgeevn nu olles wa dak en omdak nu weten
Dat olene mor azo is daj etwoashn ku geraken

Ik loatn gedoane praktijken nie toe in me schedel
Ik zetten ze los, ik trekken me los van woede of troebele wegels
Et pad dak gekozen en recht deur et bos, gin route of tegels
Olene mor ik en men erte die klopt, zo voel ek me hemels
Ik loatn gedoane praktijken nie toe in me schedel
Ik zetten ze los, ik trekken me los van woede of troebele wegels
Et pad dak gekozen en recht deur et bos, gin route of tegels
Olene mor ik en men erte die klopt, zo voel ek me hemels

Zo voel ek me hemels
Zo voel ek me hemels
Zo voel ek me hemels
Olene mor ik en men erte die klopt, zo voel ek me hemels