Moederinstinct

Liefste mama, je doe zo je best
Lat je nie demotiveren deur t'geroep van de rest
Je ziet goe bezig, soms overgevoelig an stress
Mo je't gin redens, je doet olles goed en uprecht
Dus, liefste mama, je doe zo je best
Lat je nie demotiveren deur t'geroep van de rest
Je ziet goe bezig, soms overgevoelig an stress
Mo je't gin redens, je doet olles goed en uprecht

Liefste mama, oe ist me je, oe goat et met de stress
Zo gefocused up de rol als moeder daj soms biena stikt
Heel je leven is veranderd sinds de dag van de geboorte
Je dagen en meer kleur gekregen mo der zien ook zworte
De nachten veel te kort, de dagen soms oneindig
Zoveel twijfels en vragen dat et je pijnigt
En weinig kun der je echt elpen, ze kun der zien voe je
In olle begrip, mo niemand ku je zorgen en getwijfel wegsmelken
Je ziet verbondn met je baby zelfst zoender navelstreng
En t'liefst van ol zoej s'avonds je baby in eigen kamer en
Mo da wordt ofgeroaden, ze moen zelfstanding worden
Zeggen ze mo diepe van binnen wil je nie et pad veroaden
Da zegt daj moej tope goa slapen en dicht verboendn zien
Huid up huid kut toch juste mo gezoend zien
Vele mama's dromen der over mo ze doent nie
Omda zet anders neregeschreven in ieder boek vien
Borstvoeding ist t'beste dat je ku geven
Mo nie iedereen kut er voldoende produceren
Das jammer, mo de intentie et de bovenhand
Dus stress mo nie te vele, want anders wordt je weer overmand
Deur gevoelens want mama zien is nie makkelijk
Je voelt je soms zo onbekwaam en belachelijk
Je wilt olene tbeste kun geven en dat is echt goed
Mo je kut int leven nie ossan olles perfect doen

Liefste mama, je doe zo je best
Lat je nie demotiveren deur t'geroep van de rest
Je ziet goe bezig, soms overgevoelig an stress
Mo je't gin redens, je doet olles goed en uprecht
Dus, liefste mama, je doe zo je best
Lat je nie demotiveren deur t'geroep van de rest
Je ziet goe bezig, soms overgevoelig an stress
Mo je't gin redens, je doet olles goed en uprecht

Je voelt elk zuchtje, elk kreetje, elk boertje, elk scheetje
Elk kindje is anders en et zen eigen ideetjes
Dus trek et je nie an ot ie wa trager is dan andern
Et gift nie ot e kind van tzeste leeftied ol ku wandelen
Je ku nie iedere unieke baby tzest behandeln
Zolange daj em gern ziet moeje niet veranderen
Tis echt, je liefde makt em sowieso wel sterk
En overwint olles oj mo de connectie nie beperkt
Bluft dichte, ol wit je nie ossan wa daj moe doen
Gelooft mor in je kunnen et t'komt ollemale wel goed
En kvient jammer daj soms de energie tekort komt
Da nie iedereen de gepaste steun et van e zorgfonds
Daj te weinig euren per dag et of daj de rest piekert
Nix niemi van me-time omdaj jezelvn wegcijfert
Liefste mama, je ziet een echte held witje
Af en toe ist hemels mor af en toe ook e hels ritje
Tis nie makkelijk, olles is ook nog nieuw voe je
Mo volgt geweune je hart mama, want niet moe je
Oj et nie vanbinnen voelt, je zie geboren
Voer e mama te zien, ol lop je soms eki verloren
Kom et ol up ze pootjes terecht, echt, da meenik
Ol voel je je soms eenzaam, ziej verre van olene
Want vanaf nu, zie je gie de leader van de pack
En je kindje go floreren oj mo liefde voer em et

Liefste mama, je doe zo je best
Lat je nie demotiveren deur t'geroep van de rest
Je ziet goe bezig, soms overgevoelig an stress
Mo je't gin redens, je doet olles goed en uprecht
Dus, liefste mama, je doe zo je best
Lat je nie demotiveren deur t'geroep van de rest
Je ziet goe bezig, soms overgevoelig an stress
Mo je't gin redens, je doet olles goed en uprecht