Lyrics Di gfallene Ängel - Tinu Heiniger

I gah mängisch zu de gfallene Ängel
Si kenne ds Paradies u d Höll
Si verzelle vo ihrem Alltag
Was me darf u was me nid söll

Si schöpfe us em Läbe wi us me volle Fass
U teile ihri Fröid, ihri Ängscht u ihre Gspass

Ig u di gfallene Ängel
Mir jage nach em Ougeblick
Wo jede cha sich sälber sy
Ir Wärchstatt vom Schicksal
Bim Schmide vo sym Glück

I sitze gärn bi de gfallene Ängel
Mir reden is dür e Rouch u dür d Zyt
U mir lüpfe üser Gleser uf d Götter
U mir fürchte d Dämone nid

U mir alli heis erfahre, je höcher, dass eine geit
Umso töifer stürzt er, wen er obenabe gheit

Ig u di gfallene Ängel
Mir jage nach em Ougeblick
Wo jede cha sich sälber sy
Ir Wärchstatt vom Schicksal
Bim Schmide vo sym Glück

Ig u di gfallene Ängel
Mir jage nach em Ougeblick
Wo jede cha sich sälber sy
Ir Wärchstatt vom Schicksal
Bim Schmide vo sym Glück