Lyrics Mirzə Dayı - Vüqar Əbdülov

Ay, baba, gödək baba
Meyxanaya gedək, baba
Ay, baba, gödək baba
Meyxanaya gedək, baba

Mən bir köhnə dərvişəm
Cəhənnəmdən gəlmişəm
Mən bir köhnə dərvişəm
Cəhənnəmdən gəlmişəm
Doğru sözə həmişə
Rişxənd edib, gülmüşəm
Doğru sözə həmişə
Rişxənd edib, gülmüşəm

Səni yad eyləyirik rəhmət ilə, Mirzə dayı
Çəkilir daim adın rəğbət ilə, Mirzə dayı
Səni yad eyləyirik rəhmət ilə, Mirzə dayı
Çəkilir daim adın rəğbət ilə, Mirzə dayı

Bizim bu Mirzə dayı alicənab insan idi
O da fani dünyaya fani gələn mehman idi
Ölməsə idi bu gün hərgah yaşı doxsan idi
Məcburuq ki, barışaq qismət ilə, Mirzə dayı
Səni yad eyləyirik rəhmət ilə, Mirzə dayı
Çəkilir daim adın rəğbət ilə, Mirzə dayı

Gözəl ifa eləmişdi o zaman "zəfəran"ı
Neçə müddət gəzib həsrətlə dolaşdı limanı
Liman da təkdi sənintək, sənə idi gümanı
Qalıb indi o liman həsrət ilə, Mirzə dayı
Səni yad eyləyirik rəhmət ilə, Mirzə dayı
Çəkilir daim adın rəğbət ilə, Mirzə dayı

Sənin ifan nə qədər filmimizə verdi bəzək
"Ya Məleyxa" deməklə Parisi sökdü mələk
İz salıb yaddaşına xalqın o vaxtdan kəpənək
Oxuyardın onu çox ləzzət ilə, Mirzə dayı
Səni yad eyləyirik rəhmət ilə, Mirzə dayı
Çəkilir daim adın rəğbət ilə, Mirzə dayı

Çoxuna örnək olub Mirzə Babayev soyadı
Var idi müğənnilik, aktyorluq istedadı
Əliağa Ağayevin yaratdığı "Məşədi İbad"ı
Oxuyub xüsusi dəsti-xətt ilə Mirzə dayı
Səni yad eyləyirik rəhmət ilə, Mirzə dayı
Çəkilir daim adın rəğbət ilə, Mirzə dayı

Gözəl ifa elədin xeyli şairin şeirin
Məsələn, Mirzə Ələkbər Sabirin "Tək Səbir"in
Neçə tədbirlər olur ki, görünür orda yerin
Xatirən yad olunur hörmət ilə, Mirzə dayı
Səni yad eyləyirik rəhmət ilə, Mirzə dayı
Çəkilir daim adın rəğbət ilə, Mirzə dayı

Qədrini bildi sənin qədir bilər millətimiz
O gözəl sənətinə daim olub hörmətimiz
Layiq idin, o səbəbdəndi bizim dövlətimiz
Səni təltif elədi "Şöhrət" ilə, Mirzə Dayı
Səni yad eyləyirik rəhmət ilə, Mirzə dayı
Çəkilir daim adın rəğbət ilə, Mirzə dayı

İnanmaq olmur "əlvida" demisən ruzigara
Sənətkar ölmür, ölüm hara? Mirzə dayı hara?
Haqqında meyxana söyləmək fəxrdir Vüqara
Anılırsan bu qədir, qiymət ilə, Mirzə dayı
Səni yad eyləyirik rəhmət ilə, Mirzə dayı
Çəkilir daim adın rəğbət ilə, Mirzə dayı
Səni yad eyləyirik rəhmət ilə, Mirzə dayı
Çəkilir daim adın rəğbət ilə, Mirzə dayı