Lyrics Abschied - Lo , Webba

Z'Glas isch läär, d'Fläschä isch scho haub gsoffä
D'Armä verschränkt sitzt'r ufäm Barhocker
Äs git so viu wo ihm Schmärzä bereität
Är roucht nomau ä Zigi und seit "i nähm de no einä"
Aus isch anders, aus won'ihm übrig isch blibä
Isch äs Souvenier us dä letschtä Feriä mit Ihrä
ä wiisi Muschlä, macht d'Ougä zuä und het sä a z'Ohr
Lost gäg inä und weiss genau äs isch aus nur ä Troum
är trinkt us, Tränä fliässä über sis Gsicht
är zaut si Drink u lächlät obwou'r innärläch stirbt
är macht säch ufä Wäg, duss ischäs chaut u dunku
Isch scho huärä spät, bringt säch gedankläch um
Är louft dr Strass nä in Truur, äs pisst wienä Sou
Het scho dr ganz Tag versuächt dä Blickä z'entcho
är chunnt hei, ällei aber weiss was'r het
Är gseht äs Buäch ufäm Nachttisch und liggt uf sis Bett

Är suächt trost merkt wies vergeit
Är fluächt, lost, blätteret
Gheit, gheit, gheit
Gseht was xi isch ir Dämmerig drvogah
Äs isch äs gäh u näh
S'isch es Festhäbä unes Losla
Är suächt trost merkt wies vergeit
Är fluächt, lost, blätteret
Gheit, gheit, gheit
Gseht was xi isch ir Dämmerig drvogah
Äs isch äs gäh u näh
S'isch es Festhäbä unes Losla

Är nimmt z'Buech vom Nachttisch
Schwär, gross u aut
Dunkus Läder, ä stumme Züüge, es Fotoaubum
U zwüsche trochne, knischterne Büechersiiter
Fingt är die verblichene Erinnerige vo früecher wieder
Nümme hie,soviu isch sieder passiert
U was bliibt isch iikläbt i Siedepapier
No einisch zrügg
Luege u läsä mit müedem lächlä
Uf dä Biuder het säch nüt veränderet
U iz gspürrt är wie truur ufstiegt
Är stumm bliibt
U het gwartet druf
Ds Buech hie isch sis Ruuchsmittu
Betrinkt sech ar Vergangäheit
Biuder vo Lüüt wo wäg si u är merkt är het nid aues xeit
Stirbt jedes maun es chlyses Stück
Jedes Schiibli glich mit Liemstift uf d'Site drückt
U wöu är uf d'gägäwart ke wärt leit
Ischer wäg bis ihm z'Buech im Schlaf us dä häng gheit

Är suächt trost merkt wies vergeit
Är fluächt, lost, blättere
Gheit, gheit, gheit
Gseht was xi isch ir Dämmerig drvogah
Äs isch äs gäh u näh
S'isch es Festhäbä unes Losla
Är suächt trost merkt wies vergeit
Är fluächt, lost, blätteret
Gheit, gheit, gheit
Gseht was xi isch ir Dämmerig drvogah
Äs isch äs gäh u näh
S'isch es Festhäbä unes Losla

I sinä Tröim verlouft auäs nach Plan
Aus wonr säch je gwünscht het isch ändläch wahr
Sie isch wieder da, s'isch wieder aus wie früächär
Sie het nä niä verlah u s'isch no aus wie früächär
Är findet Ruäh u ja verdammt äs tuät ihm guät
Doch plötzläch wird dr Himmu schwarz und Wasser zu Bluät
D'Realität überschattet wienäs schwarzes Tuech
Sini Hoffnig är gloubt äs chunnt auäs guät
Är wacht uf, z'Buech zue, är xeht numä eis
Äs Föteli von ihm wo säch het glöst u isch usegheit
Jungä Maa unger ar Aare
Är erkennt säch chuum meh wieder
I de Ougä wie im Spiegu
Die gliichi Truur wie immer
Är merkt es bruucht es Änd hüt
Es git ke Wäg zrügg
Louft soft los Richtig Chieläfäudbrügg
Füäut säch guet u frei wonr uf dr Brügg steit
Und är Buech unä grossi Muschlä drüberus schmeisst

Är suächt trost merkt wies vergeit
Är fluächt, lost, blätteret
Gheit, gheit, gheit
Gseht was xi isch ir Dämmerig drvogah
Äs isch äs gäh u näh
S'isch es Festhäbä unes Losla
Är suächt trost merkt wies vergeit
Är fluächt, lost, blätteret
Gheit, gheit, gheit
Gseht was xi isch ir Dämmerig drvogah
Äs isch äs gäh u näh
S'isch es Festhäbä unes Losla
Är suächt trost merkt wies vergeit
Är fluächt, lost, blätteret
Gheit, gheit, gheit
Gseht was xi isch ir Dämmerig drvogah
Äs isch äs gäh u näh
S'isch es Festhäbä unes Losla
Är suächt trost merkt wies vergeit
Är fluächt, lost, blätterett
Gheit, gheit, gheit
Gseht was xi isch ir Dämmerig drvogah
Äs isch äs gäh u näh
S'isch es Festhäbä unes Losla