Lyrics رسالة في الغربة - Omar Kamal

آه لا، لا، لا، لا، لا، لا

قالتله حبيبي بس سنة
ولو زاد بالكتير سنتين
دي فرصة ومش هتتكرر
ما بتجيش يعني كل يومين
عشان يرضيها قام سافر
وكان علشانها بيعافر
تعب وأستحمل الغربة
عشان يبقى معاه قرشين

كتير ف الغربة بيفكر
بتعمل إيه وحاسه بإيه؟
وكل اما توحشه هي
يبص لدبلته ف إيده
بقاله فترة مش عارف
ولا بيسمع خبر عنها
بيسأل كل يوم نفسه
ليه ما بتسألش هي عليه

كان نفسه لو يطمنها
ويطمن عليها كمان
لولاها الغربة ف حياته
ماكنش هيبقي ليها مكان
لكن في رسالة جات منها
وكانت فيها بتقوله
بقيت دلوقتي أنا لغيرك
ياريت تنسي إللي بينا زمان

كتير ف الغربة بيفكر
بتعمل إيه وحاسه بإيه؟
وكان لو عنها يتكلم
يداري دمعته ف عنيه
ماكنش كلامها ده ف باله
فاكرها هتبقى عايشاله
ما يعرفش إن ف غيابه
خلاص قدرت تعيش بعديه

دي قالتله حبيبي بس سنة
ولو زاد بالكتير سنتين
فرصة ومش هتتكرر
ما بتجيش يعني كل يومين
ما بتجيش يعني كل يومين