paroles de chanson Kış Kış Tavuklar - Adem Ekiz

O κύρη μ' έτον χοβάρτας
Και εγώ είμαι το παιδίν ατ'
Να φτάγω τα δουλείας ατ'
Να παίρω την ευχήν ατ'

Ξύ, ξύ, ξύ, ξύ τα κοσσάρας
Χάι, χάι τα πετεινάρια
Λένε με σουκ και δέβα κα'
Και σα πετεινολάλια

Εγώ είπα το τη μάνα σ'
Εσύ πέει ατ' τον κύρη σ'
Ο κύρη σ' εν καλόκαρδος
Κί χαλάν' το χατήρι σ'

Ξύ, ξύ, ξύ, ξύ για πέταξον
Κι κόνεψον σ' ωμία μ'
Πουλί μ' ατο το τέρεμα σ'
Έκαψεν την καρδία μ'

Η σέβντα μ' είπε κλάδεψον
Εγώ να φτάγω φύλλα
Γούρπαν σα μαύρα τ' ομάτια σ'
Στέκουν άμον σταφύλια

Ξύ, ξύ, ξύ, ξύ για πέταξον
Κι κόνεψον σ' ωμία μ'
Πουλί μ' ατο το τέρεμα σ'
Έκαψεν την καρδία μ'